МАШРАБ. ҒАЗАЛЛАР. Қатрайи сув келмади. Baxri Berkin

Қатрайи сув келмади. Baxri Berkin #uzbekmusic #uzbeksong #yangiqoshiqlar #mashrab #baxri berkin#gazal #kelmadi ҚАТРАЙИ СУВ КЕЛМАДИ Ваъда қилди бир келай деб, кўзга уйқу келмади, Термулуб йўлида турдим, шўхи бадхў келмади, Неча келди шум рақиблар, ул парирў келмади, Дардидин ўлдум, табиб, дардимға дору келмади, Ман шаҳиди ишқ бўлдум, қатрайи сув келмади. Додхоҳман рўзи Маҳшар қошима бир келмаса, Ҳажрида ўлдум букун бир лаҳза ҳолим сўрамаса, Ҳаммага қилган вафони манга дилбар қилмаса, Йиғламайму оҳ уруб ҳаргиз кўзига илмаса, Барчага ширин забону манга бадгў, келмади. Оҳу воҳ айлаб ғариблик шаҳрида беморман, Гар олур бўлсанг бу жоним ол, санам, безорман, Пардани юздин кўтаргил, ошиқи дийдорман, Соқиё, тўйғунча май бер, неча кун хумморман, Барча мажлислар гули, зулфи суманбў келмади. Ташналаб қолдим ғамингда, меҳрибоним, қайдасан? Оҳ уруб йиғлаб юрурман, жонажоним, қайдасан? Изласам йўқтур маконинг, ломаконим, қайдасан? Маҳрами сиррим манинг, эй роздоним, қайдасан? Юз туман савдое тушти, маслаҳатгў келмади.