#TF【#找吃的】灣仔打工仔 捐窿捐罅搵飯食！｜五星酒店燒味大佬 特製肥燶腩叉 | 蒸水蛋變fine dining 西廚發辦平民兩餸飯｜淨麵都得 酸齋魷魚立食車仔麵 ｜片尾有Giveaway！#廣東話

灣仔出名多美食，打工仔食晏選擇多。今集TF就帶大家在灣仔捐窿捐罅搵飯食！ 睇片之前，今集有彩蛋：一珏首飾sponsor送大禮，片尾有驚喜，記得睇到最後啦。 到底最近灣仔打工仔，經常去的食晏熱點有哪幾間？ 1.天龍燒鵝 早前在灣仔插旗便火速成為熱賣燒味新貴的天龍燒鵝，以招牌燒鵝及特製肥腩濃叉，贏得不少打工仔及街坊歡心。燒鵝皮企身脆口，肉質腍滑細嫩，色香味俱全。 叉燒除了脢頭半肥瘦，另一款肥燶腩叉，肥叉愛好者不能不吃。五花腩燒得鬆化甘香，邊位微燶，口感更佳。 燒鵝雙併飯 $68 肥燶腩叉飯 $60 地址：灣仔軒尼詩道354號昌業大廈地鋪 電話：2812 2227 營業時間：星期一至日11am-10pm 2.兩味工房 ＠2twotastes 兩餸飯店多集中在灣仔人流極多的大街上，最近在交加里的隔涉位置，開了一間由fine dining西廚炮製的優質兩餸飯，三四十元食得到，很多客人也不怕多走幾步。曾在米芝蓮三星法國餐廳任職的大廚，將傳統中式餸菜升級改造，咖喱雞、水蜜桃糖醋排骨、彩椒冬菇黑椒牛脷、炸淮山配蜜糖芥末等，連最平常的蒸水蛋也不時轉花款，加入紅棗、杞子、櫻花蝦甚或紫薯蓉等，令口味更豐富健康。 兩餸飯 $38 三餸飯 $45 法式田園香草燒雞飯 $48 炭燒紐西蘭西冷扒飯 $48 地址：灣仔交加里51號保和大廈L地鋪 營業時間：星期一至日 11:30am-8:30pm 3. 車仔麵之家 靠近金鐘那邊的車仔麵之家，屹立灣仔60多年，即使只有幾個立食位，多年來也無阻打工作及職業司機來排隊外賣、食早餐。 九年前老闆移民易手，新老闆周生接手，質素沒下降，不少街坊更讚比以前更好，全因現在老闆按以往食譜再調整，並改用優質食材製作。 好像花20小時處理的辣魷魚，彈牙爽口，辣得過癮，其辣醬所用香料按季節改動，更合口味。 酸齋雖向批發商拿貨，但加入自家調教的酸汁，咬落煙韌掛汁，微酸，嗦滿辣湯很開胃。 豬大腸和粉腸只用屠場新鮮貨，每朝早上送到，洗得乾淨，略略有一層肥膏，浸得入味。 最特別是不設最低消費，客人過來單買一個$10細淨麵、$20的1餸1麵也可以，糧尾恩物就是它。 冬菇 $10 甜酸齋 $11 魷魚 $14 豬大腸 $14 油麵（細）$10 地址：灣仔晏頓街1號地下A號鋪 電話：25296313 營業時間：星期一至六 7am-6pm，星期日休息 00:00 Opening 00:46 兩味工房 Fine Dining大廚整進化版兩餸飯 09:42 試食兩餸飯 11:28 車仔麵之家 糧尾立食老字號車仔麵 18:44 試食三餸車仔麵 20:25 天龍燒鵝 米芝蓮燒味部大佬自立門户 26:32 試食燒鵝雙併飯 撰文：Sharon Chan 攝影：Peter Li、Fong Ka Him 剪接：Fong Ka Him 美術：Anita Lam 鳴謝：一珏首飾 @@ijue_jadeite #兩餸飯 #西式 #日式 #咖喱 #蒸水蛋 #牛扒 #車仔麵 #魷魚 #酸齋 #豬大腸 #燒鵝 #燒味 #叉燒 #五花腩 #米之蓮 #灣仔 #食晏 #外賣 #TalkFood #TalkFood灣仔