34. MAOMBI YA KUITOA NAFSI KWENYE KIFUNGO CHA ARDHI YA SHULE / HISTORIA YA MAISHA - MWL. ISAAC JAVAN

MAOMBI YA KUPONYA HISTORIA YA MAISHA YAKO / KUITOA NAFSI KWENYE KIFUNGO CHA ARDHI YA SHULE Huu ni muendelezo wa somo la MAOMBI YA KUPONYA HISTORIA YA MAISHA YAKO. Katika siku hii ya leo, tunafanya maombi ya kufunga, ili kuitoa nafsi kwenye vifungo vya ardhi ya shule. Ni maombi muhimu sana, YESU akutane na wewe na akutendee makuu katika maombi haya. Unapofanya maombi haya, fuata maelekezo ninayokupa katikati ya maombi. Mungu ni mwaminifu na anaenda kukufungua na kukuweka huru. Maombi ya leo, yanalenga kuondoa vifungo vya kimaisha, ambavyo msingi/chanzo chake kinaanzia kwenye ardhi ya shule. Umewahi kuota ndoto upo shuleni? Umewahi kuota ndoto unafanya mtihani? Umewahi kuota ndoto upo darasani? Hizo ni ishara ambazo Roho Mtakatifu anaruhusu uzione, ili ujue ya kwamba, ardhi ya mahali uliposoma, inahusika katika hali ya maisha uliyonayo sasa. Ndoto za namna hii, hazitaacha kuja kwako, mpaka utakapochukua hatua ya kuomba. Na siku ya leo, mimi na wewe tuchukue hatua ya kuomba, na kumlilia Mungu, ili nafsi zifunguliwe na ushindi katika maisha ya sasa uweze kupatikana. Mungu akubariki na akutendee jambo kwa utukufu wa jina la YESU. Usisahau kumshirikisha na ndugu yako, rafiki yako, na familia yako maombi haya. Amen. Isaac Javan