John Elia recites his Ghazal (2)– Exclusive Recording for Audio Archives of Lutfullah Khan

جون ایلیا پہنائی کا مکان ہے اور دَر ہے گُم یہاں راہِ گریز پائی ہے صر صر ہے گُم یہاں خصوصی رکارڈنگ براے آواز خزانہ۔ لُطُف اللہ خان پہنائی کا مکان ہے اور در ہے گم یہاں راہ گریز پائی ہے صر صر ہے گم یہاں وسعت کہاں کہ سمت وجہت پرورش کریں بالیں کہاں سے لائیں کہ بستر ہے گم یہاں ہے ذات کا زخم کہ جس کا شگافِ رنگ سینے سے دل تلک ہے پہ خنجر ہے گم یہاں بس طور کچھ نہ پوچھ میری بود و باش کا دیوار و در ہیں جیب میں اور گھر ہے گم یہاں بیرون ذات کیسے ہے صد ماجرا فروش وہ اندرونِ ذات جو اندر ہے گم یہاں کس شاہراہ پر ہوں رواں میں بہ صد شتاب اندازِ پا درست ہے اور سر ہے گم یہاں ہیں صفحۂ وجود پہ سطریں کھنچی ہوئی دیوار پڑھ رہا ہوں مگر در ہے گم یہاں جون ایلیا