7 karakteristikat e personave që duhet të jenë në jetën tonë

Në videon e mëparshme përmenda karakteristikat e personave të rrezikshëm për ne. Por cilat janë tiparet kryesore të personave të cilët mund të konsiderohen persona të sigurt për ne, të personave  të  cilit duhet të jetë në jetën tonë. Më poshtë do të përmend 7 karakteristikat kryesore të personave të sigurt.   Karakteristika numër 1 dhe më e rëndësishmja sipas meje, është Empatia – Empatia është aftësia për të ndjerë dhe kuptuar emocionet dhe ndjenjat e dikujt tjetër. Aftësia për ta vendosur veten në vend të dikujt tjetër, për ta parë situatën nga këndvështrimi i këtij personi, mbi të gjitha aftësia për të kuptuar sesi veprimet tona ndikojnë tek të tjerët. Kur ju e shikoni dikë duke vuajtur, ju mund ta paramendoni menjëherë se çfarë do të thotë të jesh në pozicionin e këtij personi. Për ta kuptuar nëse një person është person empatik ose jo, duhet të shikojmë nëse ky person e ka vullnet t’i dëgjojë të tjerët, apo i ndërpret non-stop në mënyrë të tillë që ta kthejë vëmendjen tek vetja e vet, duhet të shikojmë sesi i trajton personat të cilët nuk ua ka nevojën, personat e “dobët”,  personat emocional (vulnerabël), kafshët, nëse personi është tepër kritikues ose jo, nëse i respekton limitet  tuaja, ose jo. Kështu nëse i komunikoni dikujt se sjellja e tyre ju bën të ndiheni keq, dhe personi përsëri vazhdon me të njëjtën sjellje, kjo tregon që personi ka mungesë empatie dhe nuk i intereson mirëqenia juaj, apo mënyra sesi ju ndiheni.