Shqipdona gruaja që u bë nënë për dy fëmijët e bashkëshortit, por nuk u thirr kurrë si e tillë

#ArditGjebrea #EdielaShqiptare #TvKlan #Arber #Shqipdona #njerke #dashuri #martese #femije #emer #divorc #kosove #perkushtim #reis Arbëri në rubrikën “Ka Një Mesazh Për Ty” në Tv Klan tregon se pas vdekjen së nënës, përjetoi një tjetër tronditje divorcin me bashkëshorten pas shtat vitesh martesë. Më e rëndë për të ishte fakti që ishte larg fëmijëve dhe nuk i shihte, e aq më pak t’i takonte. Edhe pse i kishte premtuar vetes që nuk do të martohej më kurrë, në jetën e tij hyr Shqipdona si një dritë shprese, që ndryshoi gjithçka si me magji. Arbëri tregon se me insistimin e saj, ai arriti që të bindte ish-bashkëshorten që fëmijët të rrinin nën kujdesin e tij. Për të nuk kishte lumturi më të madhe, sidomos kur mori lajmin se bashkë me Shqipdonën do të bëheshin prindër të një djali, Reisit. Arbëri: Me insistimin e Shqipdonës bëra një përpjekje te ish-bashkëshortja, që të më kalojë fëmijët në mirëbesim mua. Dhe në mirëbesim bashkëshortja pranoi dhe e pranoi atë kërkesën tonë. Ardit Gjebrea: Shqipdona ishte dakord që ju të jetonit bashkë me fëmijët e tu? Arbëri: Po ajo ishte mëse dakord. Që nga fillimi i historisë që i tregoja, ishte biseda e saj që më thoshte  gjithmonë që unë do të jem krahu yt i djathtë dhe do të luftojmë bashkë që ti të marrësh fëmijët. Erdhën fëmijët, u gëzova! Ardit Gjebrea: Fëmijët herën e parë që takuan Shqipdonën, çfarë reagimi patën? Arbëri: Shqipdona u mundua që të jetë ajo shoqja e tyre. I përkëdhelte, mundohej që t’i mbante afër. Në fillimet e para, kontaktet e mia me Shqipdonën u distancuan, derisa fëmijët të ambientoheshin me të. Vazhdoi jeta, isha shumë i gëzuar, mendova që do të lindë dielli përsëri. Pas një viti martesë me Shqipdonën na vjen një lajm i mirë, që ishte shtatzënë dhe do vinte në jetë një vajzë. Në ato momente Shqipdona ngul këmbë dhe thotë që vajzën do e quajmë Bajhrie, emri i nënës sime të ndjerë. Më erdhi jashtëzakonisht mirë, për atë mendim të mirë që kishte. Pas disa kohë në muajin e shtatë të shtatzënisë, mjekët na thanë që ishte djalë. Prapë u gëzova dhe vendosëm që të bëjmë bashkë disa germa të fëmijëve të mëdhenj dhe t’ia vëmë emrin Reis. Megjithëse gjithçka në jetën e tyre tashmë po shkonte në mënyrë të përsosur, Arbëri tregon se ka një peng të madh, pasi fëmija i tyre Reisi, duke dëgjuar fëmijët e tjera nga martesa e parë, Shqipdonës nuk i thërret “mama”, por “Dona”, njësoj si motra dhe vëllai më i madh. Ardit Gjebrea: Dy fëmijët e tu, që i kishte nga martesa e parë, si i thërrisnin Shqipdonës? Arbëri: Dona, me shkurtesë. Duke u rritur të tre bashkë, po edhe Reisi filloi që të kopjojë dy fëmijët e mëdhenj dhe nënën e vet, ta quajë Dona. Ardit Gjebrea: Nuk e thërriti ndonjëherë mami? Arbëri: Asnjëherë! Ardit Gjebrea: Po Donës i pëlqente kjo gjë? Arbëri: Kam tentuar që t’i them, që e ndjej  veten keq këtu, por ajo gjatë gjithë kohës thotë, që më mjafton që ju të dy të jeni të lumtur dhe t’iu shoh mirë, edhe unë do jem mirë, nuk ka rëndësi nëse do të quhem Dona, apo mami. E Diela Shqiptare, programi më popullor në të gjitha familjet shqiptare, vjen çdo të diel. Një program i cili përfshin një fashë orari maratonë, prej 6 orësh transmetim live. Struktura e programit: “Ka një mesazh për ty”, “Quiz me 5 Yje”, “Të panjohurit”, “Kujdes shëndetin”, “Telebingo shqiptare”, “Shihemi në gjyq”, “Power Kidz”, etj. Ndërsa që prej vitit 2003, bashkëprodhon me Klan festivalin më prestigjioz të muzikës moderne shqiptare, “Kënga Magjike”, live nga Pallati i Kongreseve. #EDielaShqiptare #ArditGjebrea #TVKlan