"Ka nje mjet me 4 kembe, gomar je ti", degjeneron ne fyerje konflikti mes fqinjeve

“Shihemi në Gjyq” në “E Diela Shqiptare” në Tv Klan vazhdon me konfliktin disa vjeçar të dy fqinjëve, Fatbardhit dhe Krenarit. Pas apelimit të çështjes së vijës së kalimit dhe fitimit të pjesshëm të saj nga Krenari, dosja ka kaluar në Zyrën e Përmbarimit. Zyra Përmbarimore ka vendosur të prishë murin e ndërtuar nga Fatbardhi dhe pikërisht këtu nis problemi. Muri është prishur, por nuk është hequr dera dhe kjo sjell vazhdimin e konfliktit. Është pikërisht kjo derë e vendosur nga Fatbardhi, në truallin që ai pretendon se është i tiji që nuk e lejon Krenarin të kalojë, prandaj mbetet në dëshirën e tij nëse do ta heqë derën apo jo. Eni Çobani: “Po s’u hoq dera” thotë Krenari dhe unë këtë dua të diskutoj tani me Krenarin, “unë nuk hyj”. Tani, çfarë mjeti keni ju që e keni provuar që nuk hyni dot? Ke mjet që hyn dhe del? Besoj që ke një mjet. Ka mjet zotëria, Bardhi? Fatbardhi: Ka një mjet me katër këmbë. Eni Çobani: Çfarë ka? Fatbardhi: Ka një mjet me katër këmbë. Eni Çobani: Me katër këmbë? Fatbardhi: Një gomar. Krenari: Po gomar je ti, si ai je. Fatbardhi: Ja mjeti ku është te porta e këtij ka vajtur, nuk hyn në dhomë. Traktori është imi. Krenari: Ekspertiza më ka nxjerrë pa rrugë. Eni Çobani: Me çfarë i çon produktet në shtëpi? Krenari: Furgoni nuk m’i sjell dot ullinjtë në shtëpi. Kam makinën e djalit, por e lë në rrugën kryesore. Fatbardhi: Zoti Ardit, kjo porta këtu është hapur 48 orë që ka hedhur soletën ai (merr fotografinë e shtëpisë). Ardit Gjebrea: Ma jep pak ta shoh dhe ta drejtojmë nga kamera. Për cilën portë po flasim, për këtë këtu? Fatbardhi: Kjo është porta ime (tregon me gisht në fotografi). Është hapur 48 orë që është futur saurreli me zhavorr që ka hedhur soletën. Ardit Gjebrea: Ku është shtëpia jote? Fatbardhi: Kjo është. Ardit Gjebrea: Kjo është shtëpia dhe kjo është porta. Kjo porta për çfarë e pengon zotërinë? Fatbardhi: I zë veshët. Fatkeqësisht, midis dy fqinjëve nuk u arrit një marrëveshje ndërmjetësimi dhe vetë Eni Çobani premtoi të merrej vetë me çështjen e tyre për të gjetur një zgjidhje./tvklan.al #EDielaShqiptare nga #ArditGjebrea prej vitit 2008 në #TvKlan, programi më popullor në të gjitha familjet shqiptare çdo të dielë. Një program i cili përfshin një fashë orari maratonë, prej 6 orësh transmetim. SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tvklan mund t’i ndiqni edhe në faqen https://tvklan.al/programe/