Top News - Të dënuarit e rrezikshëm…!/ Përgjimi telefonik për të ‘fortët’ në burgje

Të burgorsit me rrezikshmëri të lartë apo që thyejnë rregullat gjatë paraburgosjes ose burgosjes në sistemin e drejtësisë në Shqipëri ‘përfundojnë’ në regjimin "41-bis". Ky regjim është një nga format më të ashpra gjatë dënimit të personave me rrezikshmëri të lartë. 41 bis, është vënë në zbatim për herë të parë në Shqipëri në 30 korrik 2020 dhe ka në fokus parandalimin e krimeve si dhe shmangien e kontakteve të të dënuarve me organizata kriminale. Regjimi "41-bis", i cili zbatohet në Shqipëri bazohet në modelin e suksesshëm italian, përvoja e të cilëve ka dëshmuar rezultate të jashtëzakonshme kundër grupeve të struktuara kriminale dhe mafias. Regjimi kufizon disa të drejta të burgosurit apo paraburgosurit. Këto kufizime kanë të bëjnë me lejen e takimit vetëm me familjarët dhe takimi do të bëhet në ambjente të përcaktuara. Për të burgosurit jashtë këtij regjimi lejohet takimi dhe me persona të tjerë. Në rast se i burgosuri nuk kryen takime me familjarët, ka të drejtë të ketë bisedë telefonike deri në 10 minuta një herë në muaj. Për të burgosurit e tjerë lejohet të kenë bisedë telefonike deri në 8 herë në muaj pa një kohëzgjatje të përcaktuar. Ndalohet përdorimi i sendeve apo parave që i burgosuri mund të marrë nga jashtë. Reduktimi i qëndrimit në ajrim deri në 2 orë. Të burgosurit e tjerë e kanë të paktën dy orë ose më shumë kohën e ajrimit. Ndalohen të marrin pjesë në sindikatat apo organe të tjera përfaqësuesish për të burgosurit. Të burgosurit e tjerë kanë të drejtë të organizojnë dhe marrin pjesë në organizata. Është bërë me dije në momentin kur ky regjim ka nisur të aplikohet në Shqipëri, se dënimi për të burgosurit zgjat deri më 1 vit dhe nëse ndonjë prej tyre që i nënshtrohet këtij regjimi ka kundërshtime ka të drejtë ta kundërshtojë atë në Gjykatën e Posaçme. Aktualisht ky regjim aplikohet në burgun e Peqinit dhe burgun 313 në Tiranë. Aktualisht në regjimin "41-bis" janë Arbjon Aliko, Endrit Qyqja, Emiljano Shullazi dhe Genci Balla, Redjan Rraja, Fatmir Pjetri, Arbër Çekaj dhe Aeksandër Llanaj. Arbion Aliko është dënuar me burg përjetë për vrasjen e efektivit të FNSH-së Ibrahim Basha në Lazarat në qershor të vitit 2015. Genci Balla është dënuar me 17 vite burg si pjesë e grupit të xhihadistëve për rekrutimin e disa personave dhe për dërgimin e tyre në Siri. Emiliano Shullazi dhe Endrit Qyqja janë dënuar si pjesë e një grupi kriminal. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Përgjimi#Byrgje#TopChannel