Iscurtami Babbu - A Bratzos Tentos - Passu Torrau

Iscurtami Babbu, il nuovo brano di A Bratzos Tentos. Testo di Dionigi Bitti Mix & Mastering: Mario Soro Si podia esprimer cun sas laras Sos sentimentos chi apo in su coro O intonare sas cantones raras Cun versos pretziosos che tesoro Pro ti dare sas proas pius giaras De esser fizu tou mi nd'onoro E pro ti narrer cun tantu recreu Cantu ses importante babbu meu S'amore tou lu tenzo a grandesa Finas sena lu narrer lu cumprendes Ca bastat un'atzinnu de intesa Dae totu e totus mi difendes E pro m'ider apena in cuntentesa Tue das tottu e nudda pretendes Si a su nessi podia gasie Dare su mesu chi as dadu a mie Cando mi das sas ghias valorosas Tue m’ispiras sas bonas ideas E deo non de bramo menzus cosas Si podes a manu tenta mi leas Comente sas undas impetuosas Chi naschen totu dae sas mareas Un'iscuta che ferin a lontanu Poi torran de nou a s'oceànu E finas si sa fortza l’as perdida non godis un'istante de reposu Donzi successu chi apo in sa vida A tie dat ancora pius gosu Chi de a mie sias orgogliosu A esser gai su mannu assimizu Tale su babbu e tale su fizu Dae su coro no ses mai fora A s'anima dat consolatzìone Sorrie si m'iscurtas in cust'ora Non frenat sa oghe s'emotzione Ca su chi naro in custa cantone Est su chi no t'aia nadu ancora Sa oghe chi cummovida ti giamat O babbu est fizu tou chi ti amat