Ata ürəyi oğlunun itkin düşmə xəbərinə dözmədi – MAYOR VÜSAL VƏLİYEV

✅ Vətən müharibəsi şəhidlərinin əziz xatirəsinə həsr etdiyimiz digər videolardan xəbərdar olmaq üçün kanalımıza abunə olmağınızı tövsiyə edirik. ✅ Rəsmi facebook səhifəmiz:   / bel%c9%99-bir-hadis%c9%99-olub-11115370072...   Torpaq o zaman Vətən olur ki, azadlığı uğrunda candan keçilir. 44 günlük müharibədə igidlərimiz həyatlarından məhz torpağın bütövləşərək Vətən olması uğrunda vuruşub şəhid oldular. Bu Vətənin bütövləşməsi uğrunda kimin ocağından şəhid çıxmadı ki? Üç minə yaxın igid təkcə onların ailəsi, yaxınları üçün şəhid olmadı ki? O oğullar damarında azərbaycanlı qanı axan hər birimizin qardaşı, əzizidir. Onların yoxluğunu hər birimiz hiss edirik. Belə oğullardan biri də mayor Vüsal Vəliyevdir. Vüsal İslam oğlu Vəliyev 15 iyul 1988-ci ildə Şərur rayonunun Dizə kəndində anadan olub. 1994-2002-ci illərdə kənd orta məktəbində təhsil alıb. 2002-2005-ci illərdə Heydər Əliyev adına Hərbi Liseydə, 2005-2009-cu illərdə isə Heydər Əliyev adına Ali Hərbi Məktəbdə hərb elminin sirlərini öyrənib. 2012-ci ildə Xüsusi Təyinatlı Qüvvələrin (XTQ) 3 aylıq təlimini kurslarında iştirak edib. Beyləqan, Füzuli, Ağdam, Tərtər, Qazax, Tovuz, Göygöl-Murovdağ silsiləsində xidmət keçib, mayor rütbəsinəcən yüksəlib. Xidmət illərində mayor Vüsal Vəliyev “Azərbaycan Respublikası Silahlı Qüvvələrinin 95 illiyi Yubiley medalı”, “Azərbaycan Ordusunun 100 illiyi Yubiley Medalı”, “Əfqanıstanda sülhməramlı missiyaya görə” medalı, “10 il Qüsursuz xidmətlərə görə” 3-cü dərəcəli medalları ilə təltif edilmişdi. Nişanlı olsa da hərbçi olduğu üçün bir neçə dəfə toyu təxirə salınıb. Mayor Vüsal Vəliyev 2020-ci il sentyabrın 27-də başlayan Vətən Müharibəsinə qatılır və Murovdağdan başlayaraq Şuşanın azadlığı uğrunda gedən döyüşlərədək savaşır. Vüsal Vəliyevlə Şuşa döyüşlərindən sonra ailəsi əlaqə saxlaya bilmir. İtkin düşən mayorun meyiti 72 gün sonra tapılaraq ailəsinə təhvil verilir və dekabrın 14-də Şərurun Şəhidlər Xiyabanında dəfn olunur. Anası Mədinə Vəliyeva deyir ki, Vüsal sonuncu dəfə oktyabrın 1-də bütün ailə üzvləri və nişanlısı ilə danışıb. Ailəsi sonradan bilib ki, çətin əməliyyata getdiyi üçün onlarla sağollaşırmış. Ayın 2-də isə artıq onunla əlaqələri kəsilib. Vətən Müharibəsi zamanı Vüsal Vəliyev bir neçə yerindən yaralanmasına baxmayaraq, döyüşü tərk etməyərək sona qədər vuruşub, neçə-neçə yaralı yoldaşını döyüş zonasından çıxardaraq həyata qaytarıb. Ana üçün ən böyük təskinlik oğlunu indi də yuxuda görməkdir, amma deyir ki, Vüsal yuxuma girmir. Şəhidin atası İslam Vəliyev isə oğlunun itkin düşməsi xəbərinə dözməyərək, oktyabrın 13-də, övladı üçün ev tikmək məqsədilə aldığı torpaq sahəsində olarkən qəfil dünyasını dəyişib. Prezidentin sərəncamı ilə mayor Vüsal İslam oğlu Vəliyev ölümündən sonra “Vətən uğrunda” medalı ilə təltif edilib.