დიმიტრი ყიფიანიდან Open Air-მდე, სიმღერა, რომელიც თავისუფლების სიმბოლოდ იქცა

ბოლო დღეებში მთელი საქართველო მღერის: „ცა-ფირუზ-ხმელეთ-ზურმუხტო, ჩემო სამშობლო მხარეო...“ ერთი სიმღერა საზოგადოების ემოციურ და პოლიტიკურ განხილვის ცენტრში აღმოჩნდა. გორის ბავშვთა გუნდს 5 ივლისს, Tbilisi Open Air-ის მთავარ AlterVision-ის სცენაზე, მუსიკოს Kordz-თან, Security-სა და Mechanical Rainbow-სთან ერთად უნდა ემღერა, თუმცა ღონისძიებამდე სამი დღით ადრე გუნდის Facebook-გვერდზე გავრცელდა ინფორმაცია, რომ ხელმძღვანელის პირადი და გადაუდებელი პრობლემის გამო მონაწილეობას ვეღარ მიიღებდნენ. ამავე დროს, სტუდია „ანა-ბანას“ გუნდის მიერ შესრულებულმა „ცა-ფირუზ-ხმელეთ-ზურმუხტომ“ ათასობით ადამიანის ყურადღება მიიპყრო და სოციალურ ქსელებში ვირუსულად გავრცელდა. 🎙 „შენი დარიო ამერიკაში“ ამ გამოშვებაში ვსაუბრობთ: რა ვიცით გორის ბავშვთა გუნდის Open Air-ზე არგამოსვლის შესახებ; რა გახდა „ცა-ფირუზ-ხმელეთ-ზურმუხტოს“ ახალი პოპულარობის მიზეზი; რას მალავს ამ სიმღერის ისტორია; როგორ უკავშირდება ის დიმიტრი ყიფიანის, აკაკი წერეთელის, პეტრე ბაგრატიონ-გრუზინსკისა და საქართველოს თავისუფლებისთვის ბრძოლას; როგორ შეიცვალა ამ ნაწარმოების მნიშვნელობა სხვადასხვა ისტორიულ ეპოქაში; რა კითხვები გააჩინა Open Air-ის ირგვლივ განვითარებულმა მოვლენებმა და რატომ გახდა ეს დისკუსიის საგანი.