DİM imtahan sualları bərbad | dim informatika fənni nəticələri balları çox az olacaq #kody_az

Mənim əsas etirazım budur: bu suallar tələbənin həqiqi biliyini yoxlamır, onu əzbərçiliyə, vaxt itkisinə və proqramlaşdırmadan uzaqlaşmağa məcbur edir. Videoda mənə göndərilən bəzi sualları nümunə kimi göstərirəm. Python kodlarında həddindən artıq qarışıqlıq, kağız üzərində proqram nəticələrinin hesablanması, “apple”, “banana” və “kiwi” sözləri ilə qurulan qəribə tapşırıqlar, yanlış HTML nümunələri, anlaşılmaz SQL sorğuları və imtahan vaxtına uyğun olmayan blok-sxemlər barədə danışıram. Mən hesab edirəm ki, proqramlaşdırma əzbərləmək deyil. Proqramlaşdırma məntiq, təcrübə, real kod yazmaq, problem həll etmək və kompüter qarşısında işləməkdir. Tələbənin biliyini yoxlamaq istəyiriksə, suallar sadə, aydın, praktik və məqsədyönlü olmalıdır. Bu videonu informatika müəllimləri, abituriyentlər, magistraturaya hazırlaşanlar, proqramlaşdırma öyrənənlər və təhsil sistemi ilə maraqlanan hər kəs üçün hazırlamışam. ⏱️ Videonun xüsusi məqamları: 00:00 — Mən niyə düşünürəm ki, imtahan sistemi savadı deyil, əzbərçiliyi yoxlayır? 05:48 — Belə Python kodu olmur! Bu vaxt itkisidir. 09:15 — Bilik bu formada yoxlanılmır. Bu formada kod təqdim olunmamalıdır. 11:34 — Bu sualı yaradanı axtarıram. Bu nə yeyib, nə içib...?) 14:25 — HTML yazısını bilməyənlər sual qurur. DİM bizləri yıxdı... 18:07 — HTML çöx səviyyəsiz formada sual kimi təşkil olunub. 20:35 — Bizi hələ Verilənlər Bazası gözləyirmiş. Mənasız sorğu parçası. 24:07 — Blok sxem deyil nu bir “türmədən qaçış planını”dır. Mənim fikrimcə, informatika və proqramlaşdırma tələbədə qorxu və nifrət yaratmamalıdır. Əksinə, onu düşünməyə, yaratmağa və real problemlər həll etməyə həvəsləndirməlidir. Sizcə, informatika imtahanlarında proqramlaşdırma biliyi necə yoxlanılmalıdır? Fikrinizi şərhlərdə yazın. #informatika #python #proqramlaşdırma #dim #təhsil #imtahan #html #sql #database #azerbaycan #kody_az #dovletimtahanmerkezi