MBEYA NI MOYO WA UCHUMI WA TANZANIA” MWALUNENGE ATOA KAULI NZITO BUNGENI, AITAKA SERIKALI KUKAMILISH

Mbunge wa Jimbo la Mbeya mjini Patrick Mwalunenge amesema mkoa wa Mbeya una mchango mkubwa katika uchumi wa taifa kutokana na kuwa njia muhimu ya usafirishaji wa mizigo kwenda nchi jirani. Akichangia bungeni, Mwalunenge amempongeza Rais Samia Suluhu Hassan kwa kuendelea kutoa fedha za utekelezaji wa miradi ya barabara ikiwemo ujenzi wa barabara ya njia nne jijini Mbeya pamoja na mradi wa barabara ya mzunguko. Mbunge huyo pia ameishauri Wizara ya Ujenzi kuhakikisha wakandarasi wanaongeza kasi ya utekelezaji wa miradi hiyo ili wananchi na wafanyabiashara waanze kunufaika mapema. Aidha amesisitiza umuhimu wa barabara ya Makongorosi–Lwango katika kukuza biashara na uchumi wa maeneo hayo. Katika hatua nyingine, Mwalunenge ameikosoa Sheria ya Manunuzi ya Umma akidai imekuwa ikikwamisha utekelezaji wa miradi na kuwanyima nafasi wakandarasi wazawa kushiriki kikamilifu kwenye miradi mikubwa ya maendeleo. #Mbeya #PatrickMwalunenge #Bunge #Barabara #SamiaSuluhuHassan #Uchumi #Tanzania #Habari #Siasa #Miundombinu