Yüksək dozadan ölən meyxanaçı – Onun həyatını məhv edən məşhur kim idi?

#elislamdagli #birivaridi #trend Aydını, Namiqi üstələyən Əlislamı necə öldürdülər? Bu gün meyxana meydanlarında qəfil parlayan, hər kəsin gözünü qamaşdıran, sonra dumanda görünməz olan bir istedaddan danışırıq... Biri var idi, dövrünün ən ciddi rəqibi, bütün meyxanaçıların kabusu, düşməncəsinə oda itələnən Əlislam Dağlı. Əlislam İslamov 1979-cu ildə Yasamalda doğulub. Əlislam meyxanaçı kimi Yasamalda yetişib və yasamal meydanlarında formalaşıb. Əksər dağlılar kimi özünə ustad olaraq Nizami rəmzini görüb. Əlislam Ələkbər Yasamallı və Cəfərlə meyxana deyib. Onun qayınatası da köhnə meyxanaçılardan olub. Bu günün ən məşhur meyxanaçılarından olan Rəşad Dağlı meyxana deməyə Əlislam və onun meyxana dediyi şəxslərin yanına gəlirmiş. Hətta Əlislamın öz yaxınlarına danışdığına görə o vaxtlar Rəşad toppuş bir uşaq imiş, onlar məktəbin hasarını aşaraq meyxana deməyə gedərkən Rəşad hasarı aşa bilmirmiş, onu birtəhər qaldırıb özləri ilə aparırmışlar. Əlislam sonradan meyxana arealını genişləndirməyə başlayır. Əhmədli meyxana meydanlarına ayaq açır, Mehmanla, Namiq Qaraçuxurlu ilə meyxana deyir... 1996-cı ildə Şəhriyar adına mədəniyyət sarayında keçirilən ilk meyxana festivalının qalibi məhz Əlislamdır. Əlislam bu yarışmada Aydın Xırdalanlını, Namiq Qaraçuxurlunu üstələyərək qalib olmuşdu, ikinci üçüncü yerləri isə Aydın və Namiq tutmuşdu. Səlis, iti fikirləri, eyni zamanda analitik düşüncəsi Əlislamı həmkarılarından xüsysu fərqləndirən cəhətlərdən idi. Əlislam rəqibin dediyi son bəndə uyğun cavab verməkdə olduqca mahir idi. Yaddaqalan meyxana qarşılaşmalarından biri – Yasamallı Həsən əminin 45 illiyində Namiq Qaraçuxurlu, Aydın Xırdalanlı, Rəşad Dağlı və digər meyxanaçıların iştirak etdiyi məclisdə xridarların fikrincə ən yaxşı meyxananı Əlislam deyir. Təəssüf ki, meyxanasevərlərin dəfələrlə izlədiyi “Bizdə olur söhbətin əntiqəsi” meyxanası artıq bəlli olmayan səbəblərdən sosial şəbəkələrdən silinib. Əlislamın meyxananın ən güclülərindən olan Aydın Xırdalanlını və digər ustadları meydanda dəfələrlə sıxdığı heç kəsə sirri deyil.