ಸಮಗ್ರ ಕೃಷಿ ಪದ್ಧತಿಯಲ್ಲಿ ವಾರ್ಷಿಕ 12 ಲಕ್ಷ ಆದಾಯ ಕಂಡ Farmer cum Teacher | Vijay Karnataka

ಕೋಲಾರ : ಒಂದು ಕಡೆ ಸುಂದರವನದಂತೆ ಗೋಚರಿಸುತ್ತಿರುವ ಹೆಬ್ಬೇವು, ಶ್ರೀಗಂಧದ ತೋಟ, ಪಕ್ಕದಲ್ಲೇ ವಿವಿಧ ರೀತಿಯ ತರಕಾರಿ ಬೆಳೆಗಳು, ಮತ್ತೊಂದೆಡೆ ಕುರಿ ಮೇಕೆಗಳಿಗಾಗಿ ನಿರ್ಮಾಣ ಮಾಡಿರುವ ಶೆಡ್, ಅದರ ಕೆಳಗೆಯೇ ನಾಟಿ ಕೋಳಿಗಳ ಸಾಕಾಣಿಕೆ... ಈ ಎಲ್ಲಾ ದೃಶ್ಯಗಳನ್ನು ಕೋಲಾರ ತಾಲೂನಿಕ ನೆರ್ನಹಳ್ಳಿ ಗ್ರಾಮದ ಗ್ರೀನ್ ವುಡ್ ಫಾರಂನಲ್ಲಿ ನಾವು ಕಾಣಬಹುದು. ಹೌದು, ವೃತ್ತಿಯಲ್ಲಿ ಶಿಕ್ಷಕರಾಗಿರುವ ಸುರೇಶ್ ಬಾಬು ಅವರು ಕೃಷಿಯ ಕಡೆ ಒಲವು ತೋರಿ, ತಮ್ಮ ಮೂರೂವರೆ ಎಕರೆ ಜಮೀನಿನಲ್ಲಿಯೇ ಸಮಗ್ರವಾದ ಹಾಗೂ ಸಮೃದ್ಧವಾದ ಕೃಷಿ ಆರಂಭಿಸಿ ಯಶಸ್ವಿಯಾಗಿದ್ದಾರೆ. ಸಮಗ್ರ ಕೃಷಿ ಬೇಸಾಯವನ್ನು ಮಾಡುವ ಮೂಲಕ ಕಡಿಮೆ ಹಣದಲ್ಲಿ ಹೆಚ್ಚಿನ ಲಾಭವನ್ನು ಪಡೆಯುತ್ತಿದ್ದಾರೆ. ಅಷ್ಟೇ ಅಲ್ಲದೆ ತಮ್ಮ ಸಮಗ್ರ ಕೃಷಿಯಲ್ಲಿ ಯಶಸ್ಸಿನ ಬಗ್ಗೆ ಹತ್ತಾರು ಜನರಿಗೆ ಪಾಠ ಮಾಡುತ್ತಿದ್ದಾರೆ. ಯಾವುದೇ ಬೋರ್‌ವೆಲ್ ಇಲ್ಲದೆ ಕೇವಲ ಮಳೆ ನೀರಿನಲ್ಲೇ ಕೃಷಿ ಬೇಸಾಯ ಮಾಡುತ್ತಿರುವ ಇವರು ತಮ್ಮ 5 ಗುಂಟೆ ಜಮೀನಿನಲ್ಲಿ ಬದನೆಕಾಯಿ, ಮೆಣಸಿನಕಾಯಿ, ಅವರೆಕಾಯಿ, ಈರುಳ್ಳಿ, ಕ್ಯಾಪ್ಸಿಕಂ, ಟೊಮ್ಯಾಟೊ, ತೊಗರಿ, ಸೊಪ್ಪುಗಳು ಸೇರಿದಂತೆ ವಿವಿಧ ರೀತಿಯ ಬೆಳೆಗಳನ್ನು ಸೀಸನ್‌ಗೆ ತಕ್ಕಂತೆ ಬೆಳೆಯುತ್ತಾರೆ. ಇನ್ನು ಬೆಳೆಗಳಿಗೆ ಯಾವುದೇ ರಾಸಾಯನಿಕ ಗೊಬ್ಬರಗಳನ್ನು ಹಾಕುವುದಿಲ್ಲ. ಬದಲಾಗಿ ಸಾವಯವ ಗೊಬ್ಬರಗಳನ್ನು ಹಾಕಲಾಗುತ್ತದೆ. ಬೆಳೆದ ತರಕಾರಿ ಮತ್ತು ಸೊಪ್ಪುಗಳನ್ನು ದಲ್ಲಾಳಿಗಳ ಮುಖಾಂತರ ಮಾರುಕಟ್ಟೆಗೆ ಹಾಕದೆ ನೇರವಾಗಿ ಇವರೇ ಮಾರಾಟ ಮಾಡುತ್ತಾರೆ. ಇದರಿಂದ ಹೆಚ್ಚು ಹಣ ದಲ್ಲಾಳಿಗಳ ಕೈಗೆ ಹೋಗದೆ ರೈತರೇ ಉಳಿಸಬಹುದು ಎಂಬುದು ಸುರೇಶ್ ಬಾಬು ಅವರ ಅಭಿಪ್ರಾಯ. #kolar #farming #farmers Our Website: https://Vijaykarnataka.com Facebook:   / vijaykarnataka   Twitter:   / vijaykarnataka