Khit Thit Afternoon News |25 July 2026

Khit Thit သတင်းဌာန၏ ဇူလိုင် ၂၅ ရက် နေ့လယ်ပိုင်း ရုပ်သံသတင်းအစီအစဉ် By ရန်ကုန်ခေတ်သစ် ဒီကနေ့ ဇူလိုင် ၂၅ ရက် နေ့လယ်ပိုင်း တင်ဆက်ပေးမယ့် သတင်းတွေကတော့ -စစ်ကိုင်းငလျင်ကြီးအပြီး ပြန်လည်ထူထောင်ရေးလုပ်ငန်းတွေအတွက် စစ်ခေါင်းဆောင် မင်းအောင်လှိုင်ရဲ့ အမိန့်နဲ့ အမေရိကန်ဒေါ်လာ သန်း ၂၀၀ ကျော်နဲ့ညီမျှတဲ့ မြန်မာငွေစက္ကူသစ်တွေကို ဝါဇီငွေစက္ကူစက်ရုံမှာ နေ့ရောညပါ ရိုက်နှိပ်ထုတ်ဝေခဲ့တယ်လို့ နေပြည်တော် စစ်ဘက် သတင်းရင်းမြစ်က ပြောပါတယ်။ -မန္တလေးတိုင်း၊ ညောင်ဦးမြို့နယ်မှာ စစ်ကောင်စီခန့်ထားတဲ့ စည်ပင်သာကျေးရွာအုပ်စု အုပ်ချုပ်ရေးမှူးနဲ့ ပျူစောထီးတွေ အရက်ထိုင်သောက်နေချိန် သေနတ်နဲ့ ပစ်ခတ်တိုက်ခိုက်ခံရပြီး ၄ ဦး သေဆုံးခဲ့တယ်လို့ ဒေသသတင်းရင်းမြစ်က ပြောပါတယ်။ -စစ်တပ် တာဝန်ရှိသူတွေအနေနဲ့ နိုင်ငံအတွက်အကျိုးမပြုတဲ့ ဇာတ်သဘင်နဲ့ အနုပညာလောက အသိုင်း အဝိုင်းက သူတွေကိုသာ မျက်နှာမလိုက်ပဲ စစ်မှုထမ်းဆင့်ခေါ်ရဲမယ်ဆိုရင် သူ့အနေနဲ့ သာဓုအကြိမ်ကြိမ်ခေါ် မေတ္တာပို့ပေးနေမယ်လို့ ပျူစောထီးခေါင်းဆောင် ပေါက်ကိုယ်တော်က ဇူလိုင်လ ၂၄ရက်က သူရဲ့တစ်တော့အကောင့်ကတဆင့် ပြောဆိုလိုက်ပါတယ်။ အတင်းအဓမ္မလုပ်အားပေးခိုင်းစေမှု နဲ့ ဆက်စပ်တယ်လို့ဆိုပြီး အမေရိကန်က တရုတ်အပါအဝင် နိုင်ငံ ၆၀ ကို အကောက်ခွန်အသစ်တွေ ချမှတ်လိုက်တာကို တရုတ်အစိုးရက ကန့်ကွက်လိုက်ပြီး ကုန်သွယ် ရေး စစ်ပွဲတွေဟာ ဘယ်နိုင်ငံအတွက်မှ အကျိုးမရှိဘူးလို့ သတိပေးလိုက်တဲ့ သတင်းအပါအ ဝင် နေ့လယ်ခင်းသတင်းတွေကို တင်ဆက်ပေးပါမယ်။