Tağut nədir ? | Şeyx Qamət Süleyman

#Tağut - ərəb dilində həddi aşan deməkdir. Məsələn: əgər bir su qabı həddindən artıq dolub daşarsa, ona qab həddini aşdı deyilir. Uca Allah Nuhun (Aleyhissələm) qissəsində buyurur: "Su aşıb-daşdıqda Biz sizi üzən gəmidə daşıdıq". (Əl-Haqqa surəsi, 11.) Bu ayədə gələn “tağal mə” kəliməsi "su aşıb-daşdıqda"- deməkdir və bu, lüğəti mənadır. İstilahi (şəriətdəki) mənası isə - Qulun ibadətdə, itaətdə və tabeçilikdə həddini aşdığı hər bir şeyə deyilir, yəni Allahdan qeyrisinə ibadət edən, Allahın hallarına haram və haramlarına da halal kimi yanaşan tağut adlanır, çünki o, tüğyan etmiş və Allahın qoyduğu hədləri aşmışdır. Uca Allah buyurur: "Hər kim tağutu inkar edib Allaha iman gətirərsə, heç vaxt qırılmayan ən möhkəm dəstəkdən yapışmış olar". (Əl-Bəqərə, 256.) Hər tüğyan edən və ya həddi aşan müsəlman bu səbəblə kafir olmaz. #ŞeyxQamət #Tövhid #Tövhid