‘Nuk ju vjen TURP?’ Fjalimi me lotë në parlament: po vdesim! Kafshëri, po na hanë minjtë

Deputeti i PD Saimir Korreshi e nis interpelancën me ministren e Shëndetësisë Evis Sala duke e ironizuar për ushqimin që i shërbehet në spital pacientëve. Korreshi prej kohësh kishte kërkuar sqarime për gjendjen e spitalit të Lushnjës, që sipas tij është në degradim total. Me tone herë ironike e herë të ashpra deri në akuza, Korreshi listoi problematikat kryesore që nga infrastruktura, e deri tek mungesa e medikamenteve. Problematika që sipas tij i ka evidentuar edhe vetë ministria e Shëndetësisë përmes një auditi. “Po hyni në gjynah me shqiptarët…turp tju vijë. Nuk funksionojnë aapaaturat. Nuk ka alkool. Nuk ka medikamente. sipas verifikimit që është bërë në Spitalin e Lushnjës, rezulton se lavanderia, magazina qendrore dhe kuzhina ishin në kushte të këqija, me mure me myk dhe të pamirëmbajtura”, tha Korreshi. Deputeti demokrat dhe këshilltari socialist përplasen për spitalin e Lushnjes, Muharremi: PD la sistemin në kolaps! Korreshi: Turp t’i vijë! LEXO EDHE: Deputeti demokrat dhe këshilltari socialist përplasen për spitalin e Lushnjes, Muharremi: PD la sistemin në kolaps! Korreshi: Turp t’i vijë! Por edhe pse realiteti është një, këndvështrimet janë të ndryshme. Ministrja Evis Sala para deputetëve pasqyroi një panoramë krejtësisht të ndryshme, jo harrese, por investimesh. “Punimet kanë filluar në mars, fondi është rreth 82 milionë lekë, ndërsa në 2027 edhe 236 milionë lekë të tjera. Ndërhyrjet po bëhen në godinën 3, ku funksionojnë urgjenca, imazheria, kirurgjia, reanimacioni dhe patologjia. Po kryhen ndërhyrje edhe në ambientet e lidhura me maternitetin dhe godinat mbështetëse”. Nuk ka mungesë medikamentesh. Ne e mirëpresim kritikën, por s’mund të pranojmë retorikën që tenton të paraqesë spitalet publike si struktura të braktisura", tha Sala. Parashtrimin e gjatë të ministres, se qeveria nuk e ka braktisur atë zonë, Korreshi e ironizoi pa asnjë drojë. “Ju flet Tirana. Revista e Tefta Radit”, tha Korreshi. Korreshi dhe ministrja Sala u përfshinë në replikë edhe për një nga shërbimet kryesore siç është dializa. “Janë 50 e ca pacientë nga Lusshnja nuk ka dializë…”, tha Korreshi. “I kemi shpërndarë në spitale të tjera, Lushnja nuk është spital rajonal”, tha Sala. Korreshi solli në vëmendje edhe një rast familjar të tij, si për të demonstruar se shërbimi spitalor në Lushnje është në pikën e tij më të keqe. “Për 1 EKO vdiq. Po të ishte konstatuar, do ishte konstatuar zemra e zmadhuar dhe për 1 EKO do kishte shpëtuar 38-vjeçari”, tha Korreshi. Ministrja Sala zhvilloi edhe një tjetër interpelancë me deputeten e Partisë së Lirisë Erisa Xhixho për situatën në spitalin e Traumës i cili pjesërisht është në rikonstruksion. Sipas Xhixhos shumë shërbime bazë nuk ofrohen më për shkak të punimeve, por këto pretendime u mohuan nga ministrja.