Siener se Boek Bestaan Nie

Siener van Rensburg het nooit self ’n boek geskryf nie. Daar bestaan slegs notas wat oorspronklik deur C.P. Nieuwenhuisen begin is en later deur Anna Badenhorst oorgeneem is. Geen boek deur Siener van Rensburg is ooit gepubliseer nie. Die visioene van Siener is in datumvolgorde neergeskryf, elk met ’n nommer. As iemand na jou toe kom en beweer dat ’n spesifieke visioen iets sê, vra hulle gerus vir die visioen se nommer en die datum waarop dit ontvang is. Daar is baie skrywers wat die visioene geïnterpreteer het volgens hul eie siening, en van tyd tot tyd word hierdie visioene dan ook herinterpreteer om nuwe betekenisse daaraan te heg.