Report TV - Rama: Brenda 2020 do të ndërtohen shtëpitë e rrënuara! Pacolli: Të gatshëm për kontribut

Kryeministri Edi Rama, gjatë vizitës në Durrës, ku ka vizituar banorët e prekur nga tërmeti, është takuar me Ministrin e Jashtëm në detyrë, Behgjet Pacoli. Rama është shprehur se shpreson që brenda 2020 të gjithë shtëpitë e rrënuar nga tërmeti të ndërtohen. "Është situatë shumë e vështirë, por besoj që do t'ia dalim. Ajo që nuk bëjmë dot është të kthejmë në jetë ata që humbën jetën. Kemi shumë të plagosur, pjesa më e madhe me plagë të lehta. Kemi gatishmëri për t'i çuar edhe jashtë. Është një super skuadër, janë të përgatitur të gjitha ekipet. Me njerëzit që janë jashtë kemi vendosur ti akomodojmë në hotele sepse nuk mund të rrinë në çadër në dimër. Në momentin kur ndodh krizë e tillë të gjithë mblidhen. Kemi shumë suport të gjitha vendet. Banda 2020 besoj do i kemi futur të gjithë në shtëpia", tha kryeministri Rama. Nga ana tjetër, Pacolli është shprehur se populli është solidarizuar me Shqipërinë. "Populli i Kosovës solidarizohet. Unë personalisht, ne të gjithë jemi duke punuar dhe besoj se që nga dje është bërë punë. Ne jemi të gatshëm t'ju vijmë në ndihmë të plagosurve, ata që kanë nevojë për shërim dhe ata që kanë mbetur pa strehim. Ne jemi gati dhe vetëm të koordinohemi", u shpreh Pacolli