SiS樂印姊妹 "520 " Official Music Video

SiS樂印姊妹- 520 主唱：駱胤鳴(妹)/ 駱胤樺(姊) 曲/詞：駱胤鳴 編曲: RandyChow / 徐浩 監製: 徐浩 OP: GME Holdings Ltd. 每次我揸起支筆　就好似飲左廿四味 諗唔起　諗唔起　點樣摷返啲靈感出嚟 明明我溫緊中史世史　毛澤東　馬克思 講起呢啲政治　發現好多暗示 個腦出現一堆數字　究竟係邊個賦予呢啲數字一種意義 唔好再同我講歷史　我只係想知 你個短訊裡面打嘅1314　係咪暗藏含意 你嘅「鍾意　鍾意」　打亂我啲思緒 我聽日就要考試喇　算啦　豪畀佢 你話「Baby Baby」　邊個畀你扮Justin Bieber架 但我暗自陶醉 愛情唔係數學　學校唔教考試唔考 講真呀　就算我識得馬克思愛因斯坦 但係Cool魔同埋Sam哥　我又應該點揀 你啲達文西摩斯密碼　有時都幾煩 543200... 你話暗戀咗我好耐　但我哋識得個幾月 愛情呃嚟呃去我明　都唔洗去到咁絕 更何況　我唔係千頌E　你又唔係都敏俊C 其實唔係個個都需要CHOK住咁證實愛情 就好似返工都會　遲到　愛情要等　運到 我點名果陣你　報到　有意外都未嘗　唔好 最緊要你對我如珠如寶 我唔介意你為咗我　掘個大啲嘅　地牢 人人都話金錢係數字堆砌出嚟 其實愛情都係　只要你肯花多啲心機 520 1314　你不放下我不放下你 一句到尾　要識得點樣放底自己 講返今次考試　我覺得考試嘅意義 係教我哋點樣做人　而唔係駕馭歷史 今次係我第一次嘅嘗試　畀啲鼓勵支持 畀啲掌聲有請　唔係麥玲玲　係駱胤鳴 543200... 呢首歌真係死都唔斷氣呀　不停repeat 你鍾意就keep　唔鍾意就delete 不過愛情唔一樣　幸福唔可以憑空想像 而係創造包容付出　先係宇宙最強 女人對數字嘅敏感度　強到你想像唔到 如果你是旦噏　亂咁嘈　一定死得早 假如你對我真係有意思不如再send個短訊嚟呀 我可能或者maybe會覆你　520 1314 543200... Drum programming by 徐浩 Piano, bass and Fender Rhodes by RandyChow Chorus by SiS Mixed by KingKong, 徐浩 @ common room/n o v a s o n i c 環球狂熱文化管理有限公司 Global Mania Empire Management Ltd (A member of Great China Mania Holdings Inc.) Tel: +852 2882 7026/ Fax: +852 2882 7020/ Email: [email protected]/ Website: www.gme-holdings.com