Qаймақ: Қарабұлақ ауылы

Қарабұлақ ауылы Карағанды облысының табиғаты ерекше сұлу Қарқаралы өңірінде орналасқан . Тарихы тереңде жатқан ауыл халқы тоқырау жылдары жан-жаққа тарап, елді мекеннің болашағы бұлыңғырлана бастаған еді. Мектепте бала саны азайып, білім ордасы жабылудың аз алдында қалған болатын. Алайда ауыл тұрғындарының ауызбіршілігінің арқасында бүгінде Қарабұлаққа қайта ел қоныстана бастады. Ол бекер емес. Ауыл халқы үш жыл бұрын ішімдіктен мүлде бас тартқан. Нәтижесінде, елде қылмыс атаулы мүлде жоқ. Айтпақшы, бұл ауылды еліміздегі ең үздік әкім билейді. Сайланғанына көп уақыт болмаса да, ол ауылдағы біраз түйткілдерді шешіп үлгерген. Сондай-ақ, ауыл жастары сырттан келем деген көпбалалы отбасыларына тегін үй беруге дайын. Бұл жайында Qаймақ жобасынан көріңіздер .