伯公坳新洗手間已經啟用🚽✨

唔少鍾意郊遊嘅朋友都會由伯公坳起步，去鳳凰山觀賞日出🌅 或大東山欣賞芒草🌾。呢個熱門嘅地點以前只有流動洗手間，喺旺季往往難以應付需求。土木工程拓展署同埋漁農自然護理署合作，喺伯公坳興建新嘅公眾洗手間，仲優化周邊休憩設施。新洗手間已經啟用，為郊遊朋友提供更衛生、舒適嘅體驗。👏👍 伯公坳位置偏遠，缺乏公共供水同埋污水網絡。新洗手間最大特點係結合咗兩套環保水循環系統♻️，工程團隊特別設置咗雨水收集系統，將收集的雨水進行過濾消毒。另外，洗手間內設有薄膜生物反應污水處理系統，將污水淨化。經呢兩套系統處理嘅水用黎沖廁，善用水資源💧。另外，洗手間亦配備智能監測系統📊，有助提升公廁管理同埋服務質素。 新洗手間亦充分考慮郊遊朋友的實際需要。洗手間採用沖水式設計，取代原有嘅流動廁所。旁邊更增設休憩空間，適合用作登山集合場地，仲加設咗個觀景台添。郊遊朋友以後可以喺觀景台遠眺伯公坳一帶嘅自然景色。🥾⛰️ 下次經過伯公坳，記得留意呢個結合綠色建築同智能管理嘅郊野設施。使用新洗手間之餘，亦可於觀景台chill下打下咭📸，之後再繼續行程。💚 #土木工程拓展署 #南拓展及可持續大嶼辦事處 #伯公坳 #新公廁 #綠色建築 #智能廁所 #雨水回收 #污水循環 #行山設施 #鳳凰山 #大東山