Şəhid Əhməd Zamanlı Şəmkirdə doğulduğu kənddə torpağa tapşırıldı

Şəhid Əhməd Zamanlı Şəmkirdə doğulduğu kənddə torpağa tapşırıldı. Azərbaycan ərazisində yerləşdirilmiş qanunsuz erməni hərbi birləşmələrinə qarşı həyata keçirilən antiterror əməliyyatlarında şəhid olmuş Əhməd Zamanlı Şəmkirdə doğulduğu kənddə torpağa tapşırılıb. Ordumuzun Qarabağ iqtisadi rayonunda separatçılara qarşı apardığı lokal antiterror tədbiri zamanı şəhid olmuş Əhməd Zamanlının nəşi Şəmkirin Könüllü kəndindəki evinə gətirilib. Onunla vida mərasiminə kənd sakinləri və rayon ictimaiyyətinin nüməyəndələri toplaşıb. Bildirilib ki, evin sonuncu övladı olan 19 yaşlı əsgər xidmətə ötən ilin iyulunda çağırılmışdı. Onun atası Azad Zamanov Birinci Qarabağ müharibəsinin, qardaşı Murad Zamanlı isə 44 günlük Vətən müharibəsinin iştirakçısı olub. Mingəçevir Turizm Kollecinin tələbəsi olan şəhid Əhməd Zamanlı Vətənə xidmətini baş vurduqdan sonra təhsilini davam etdirmək niyyətində imiş.