Tv Klan - Tritol makinës së kreut të PD-së në Vaun e Dejës |Lajme-News

Benard Ndreca, kryetar i degës së Partisë Domokratike për Vaun e Dejës sapo kishte dalë nga shtëpia dhe sapo kishte hipur në makinë, kur një sasi tritoli shpërtheu në të. Ngjarja ndodhi rreth orës 7 e 10 minuta të mëngjesit të së martës në fshatin Paçram të Vaut të Dejës kur makina tip Audi ka shpërthyer. Lënda plasëse ishte vendosur në pjesën e përparme të makinës, por fatmirësisht nga shpërthimi Ndreca nuk është lënduar, por ka patur vetëm dëme materiale në automjet. Nga të dhënat paraprake mësohet se Ndreca ka shkuar një herë në makinë dhe pasi e ka ndezur është kthyer sërish në shtëpi dhe në momentin që ka hipur sërish në të lënda plasëse ka shpërthyer. Në vendin e ngjarjes mbërritën forca të shumta policie, ndërsa grupi hetimor, në drejtimin e Prokurorisë, vijon veprimet intensive për zbardhjen e rrethanave të ngjarjes, identifikimin dhe kapjen e autorëve. Nga të dhënat paraprake, nisur pikërisht nga fakti se lënda plasëse ka shpërthyer në momentin që ndreca sapo ka hipur në makinë, hetuesit dyshojnë se ajo ka qenë e telekomanduar. Shtëpia e Ndrecës ka qenë e kontrolluar me kamera sigurie, ndaj policia po verifikon nëse lënda plasëse është vendosur në oborrin e shtëpisë apo në një ambient tjetër. SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/