Shree panchsutra stotra meditation,mindset #jain #viral #prarthana #bhagwan #stotram

Yuva hraday samrat p.p.aacharydev shreemadvijay hemratn Suri m.s aashirwad se ye stotra ko record kiya gaya hain Yakini mahtra sunoo shree haribhadra suri m.s virachit stotra(aadhi-man, vyadhi-sharir, upadhi-jivan me jo aae use dur karnevala stotra) khas 3bar dr. Ki davai ki tarah stotra path kare shanti milengi🙏 याकिनीमहत्तरासूनु सूरिपूरंदर आचार्य श्री हरिभद्रसूरि महाराजा विरचित ।। श्री पञ्चसूत्र ।। णमो वीयरागाणं,सव्वण्णूणं, देविंद पूईआणं, जहट्ठिअ वत्थुवाईणं, तेलुक्क गुरूणं, अरूहंताणं,भगवंताणं। जे एव माईक्खंति इह खलु अणाइ जीवे,अणाइ जीवस्स भवे, अणाइ कम्म संजोग निव्वत्तिए, दुक्खरुवे,दुक्खफले,दुक्खाणुबंधे, एअस्स णं वुच्छित्ती सुद्ध धम्माओ, सुद्ध धम्म संपत्ती पाव कम्म विगमाओ, पाव कम्म विगमो तहा भवत्ताई भावओ। तस्स पुण विवाग साहणाणि चउसरण गमणं,दुक्कड गरिहा, सुकडाण सेवणं,अओ कायव्वमिणं, होउ कामेणं सया सुप्पणिहाणं, भुज्जो भुज्जो संकिलेसे तिकाल मसंकिलेसे। जावज्जीवं मे भगवंतो परम तिलोगणाहा, अणुत्तर पुण्ण संभारा, खीण राग दोस मोहा, अचिंत चिंतामणी,भवजलहि पोआ, एगंत सरणा अरिहंता सरणं। तहा पहीण जर मरणा, अवेअ कम्म कलंका,पणट्ठ वा बाहा, केवल णाण दंसणा, सिद्धिपुर निवासी, निरुवम सुह संगया,सव्वहा कय किच्चा, सिद्धा सरणं। तहा पसंत गंभीरा सया, सावज्ज जोग विरया, पंच विहायार जाणगा, परोवयार निरया,पउमाइ निदंसणा, झाणज्झयण संगया,विसुज्झमाण भावा साहू सरणं। तहा सुरा सुर मणुअ पूइओ, मोह तिमिरं सुमाली, राग दोस विस परम मंतो, हेऊ सयल कल्लाणाणं, कम्म वण विहावसू,साहगो सिद्धभावस्स, केवलि पण्णत्तो धम्मो जावज्जीवं मे भगवं सरणं। सरण मुव गओ अ एएसिं, गरिहामि दुक्कडं। जण्णं अरिहंतेसु वा, सिद्धेसु वा, आयरिएसु वा,उवज्झाएसु वा, साहूसु वा,साहूणीसु वा,अन्नेसु वा, धम्मट्ठाणेसु माणणिज्जेसु,पूअणिज्जेसु, तहा माईसु वा,पिईसु वा,बंधुसु वा, मित्तेसु वा,उवयारिसु वा। ओहेण वा जीवेसु मग्गट्ठिएसु,अमग्गट्ठिएसु, मग्ग साहणेसु,अमग्ग साहणेसु, जंकिंचि वितह मायरियं, अणायरि अव्वं,अणिच्छि अव्वं, पावं पावाणुबंधि, सुहुमं वा बायरं वा, मणेण वा,वायाए वा,काएण वा, कयं वा,काराविअं वा,अणुमोइअं वा, रागेण वा, दोसेण वा,मोहेण वा, इत्थ वा जम्मे,जम्मंतरेसु वा, गरहिअ मेअं,दुक्कड मेअं, उज्झियव्व मेअं, विआणिअं मए कल्लाण मित्त गुरु भगवंत वयणाओ, एव मेअंति रोइअं सद्धाए, अरिहंत सिद्ध समक्खं गरिहामि अह मिणं,दुक्कड मेअं,उज्झियव्व मेअं, इत्थ मिच्छा मि दुक्कडं, मिच्छा मि दुक्कडं, मिच्छा मि दुक्कडं। होउ मे एसा सम्मं गरिहा। होउ मे अकरण नियमो। बहु मयं ममे अंति,इच्छामो अणुसट्ठिं, अरिहंताणं भगवंताणं गुरुणं कल्लाण मित्ताणंति। होउ मे एएहिं संजोगो।होउ मे एसा सुपत्थणा। होउ मे इत्थ बहुमाणो। होउ मे इओ मुक्ख बीअंति। पत्तेसु एएसु अहं सेवा रिहे सिया। आणा रिहे सिया। पडिवत्ति जुत्ते सिया। निरइ आर पारगे सिया। संविग्गो जहा सत्तिए सेवेमि सुकडं। अणुमोएमि सव्वेसिं अरहंताणं अणुट्ठाणं। सव्वेसिं सिद्धाणं सिद्धभावं। सव्वेसिं आयरियाणं आयारं। सव्वेसिं उवज्झायाणं सुत्तप्पयाणं। सव्वेसिं साहूणं साहु किरिअं। मुक्ख साहण जोगे। सव्वेसिं देवाणं, सव्वेसिं जीवाणं, होउ कामाणं, कल्लाणा सयाणं मग्ग साहण जोगे। होउ मे एसा अणुमोअणा, सम्मं विहि पुव्विआ, सम्मं सुद्धासया, सम्मं पडिवत्तिरुवा, सम्मं निरइआरा, परम गुणजुत्त अरहंताइ सामत्थओ। अचिंत सत्ति जुत्ता हि ते भगवंतो, वीअरागा,सव्वण्णू,परम कल्लाणा, परम कल्लाण हेउ सत्ताणं!! मूढे अम्हि पावे अणाहि मोह वासिए, अणभिन्ने,भावओ हिआ हिआणं। अभिन्ने सिया,अहिअ निवित्ते सिया, हिअ पवित्ते सिया,आराहगे सिया, उचिअ पडिवत्तीए,सव्व सत्ताणं सहिअंति। इच्छामि सुकडं,इच्छामि सुकडं, इच्छामि सुकडं। एवमेअं,सम्मं पढ माणस्स,सुण माणस्स, अणुप्पेह माणस्स,सिढिली भवंति, परिहायंति,खिज्जंति असुह कम्माणु बंधा। निरणु बंधे वा असुह कम्मे भग्ग सामत्थे सुह परिणामेणं, कडगबद्धे विअ विसे अप्प फले सिआ, सुहा वणिज्जे सिआ,अपुण भावे सिआ। तहा आस गलिज्जंति परिपोसिज्जंति, णिम्म विज्जंति,सुह कम्माणुबंधा, साणुबंधं च सुह कम्मं, पगिट्ठं पगिट्ठ भावज्जिअं,नियम फलयं। सुपउत्ते विव महागए,सुह फले सिआ, सुह पवत्तगे सिआ, परम सुह साहगे सिआ, अओ अपडिबंध मेअं,असुह भाव निरोहेणं, सुह भाव बीअंति, सुप्पणिहाणं सम्मं पढिअव्वं, सम्मं सोअव्वं, सम्मं अणुप्पेहि अव्वंति। नमो नमिअ नमिआणं परम गुरु वीअरागाणं। नमो सेस नमुक्कारा-रिहाणं। जयउ सव्वण्णु सासणं। परम संबोहीए सुहिणो भवंतु जीवा, सुहिणो भवंतु जीवा, सुहिणो भवंतु जीवा।। ।। इति संपूर्णं।। 🙏निसर्ग जैन🙏 📱8849522882/7738412276 #problemsolved #jainstotra #jain #stotra #shanti #mindset #meditation