Gjergj Sulioti & Zhani Sulioti - Kënga korçare "ο mikja ime" (shoqërojnë Josif Minga dhe Ilia Lulo)

Interpretues: Gjergj Sulioti ft Zhani Sulioti Lloji: Këngë karakteristike korçare (serenatë vaji e viteve 60-70) Dirigjent i Orkestrës dhe Grupit Lira: Jorgaq Nano Piano: Josif Minga Flaut: Ilia Lulo Kënduar live në Koncertin Gala dedikuar Artistit të Merituar Piro Sulioti të organizuar nga Qendra Kolturore "Vangjush Mio" në Korçë më 07/09/1999 Drejtor Artistik: Kostika Tanto Piro Sulioti : https://sq.wikipedia.org/wiki/Piro_Su... Gjergj Sulioti: https://sq.wikipedia.org/wiki/Gjergj_​... *Rreth Këngës Pas 60 vjet rresht kontributi në skenën muzikore të Shqipërisë dhe vendeve të tjera si një i ftuar nderi dhe pas një infakti të papritur në zemër në 1997 gjatë një koncerti me Korin Lyra në Bukuresht të Rumanisë, Qendra Kulturore "Vangjush Mio" e Korçës vendos të festojë 75 vjetorin e lindjes së Piro Suliotit me një koncert të veçantë. Në koncert folën personalitete të shquara të qytetit, kolegë dhe natyrisht këndoi kori emblematik "Lyra".Surpriza e natës ishte paraqitja e papritur e djalit të këngëtarit dhe Tenorit të Teatrit së Operas dhe Baletit të Tiranës, Gjergj Sulioti. Emocioni ishte i madh pasi familja nuk dinte asgjë nga organizatorët përgjegjës. Familja u takua artistikisht për herë të parë në skenë me të gjithë anëtarët e saj. Këngëtari, shumë i emocionuar, kërkoi një urdhër nga fëmijët e tij për të kënduar drejtpërdrejt dhe pa ndonjë provë një nga këngët e tij të preferuara të rinisë, të cilën deri atëherë askush prej tyre nuk e kishte kënduar, këngën "Mikja Ime" e cila u shoqërua pa hezitim nga kompozitori Josif Minga në Piano dhe instrumentisti Ilia Lulo në Flaut. **Zhani Sulioti është vajza e mesme e këngëtarit dhe Artistit të Merituar Piro Sulioti dhe motra e Tenorit të Teatrit të Operës dhe Baletit Gjergj Sulioti. Ζhani lindi në Korçë në 01/06/1954 dhe që në moshë shumë të re u dallua për potencialin e madh muzikor që kishte që në moshë të re. Si nxënëse e shkollës fillore, ajo u spikat në të gjitha festivalet e pionierëve dhe si nxënëse e shkollës së mesme ajo mori pjesë në të gjitha festivalet e Radio Korçës. Në vitin 1973 u transferua në Tiranë për të studiuar në Akademinë e Arteve ku në konvikte u takua dhe zhvilloi një miqësi të madhe me tekstshkruesin kombëtare Zhuliana Jorganxhi duke kënduar çdo ditë me studentet dhjetra këngë të ndaluara, të njohura si këngët e qytetit të studentit. Në 1976 u kthye në Korçë dhe u emërua në qendra të ndryshme kulturore të fshatrave si Lumalas e Drenovë ku përgatiti disa talente të reja. Pas përmbysjes së regjimit socialist humbi punën dhe u detyrua të lëvizte si emigrante në Greqi ku qendrimi i saj nuk ishte konstant. Në vitin 2000 ajo u kthye përgjithmonë në Qytetin e Korçës si mësuese muzike në shkollën tetëvjeçare "Asdrëni" nga ku doli në pension. Kontributi i saj në muzikë është i madh kryesisht për traditën muzikore të qytetit të Korçës pasi ishte një nga solistet e para femra në korin emblematik "Lyra", këndoi dhe shpëtoi me emra të mëdhenj serenatat e qytetit të saj, megjithëse nuk ka shumë regjistrime. Νjë nga këngët e saj më të famshme është "verëshitësi" ndërsa ka kënduar shumë këngë me Spanja Pipën, Ilia Vinjaun, Mimoza Paravelin, Pavllo Shollën etj. Gjatë vitit 2002 ajo bëri koncerte brenda dhe jashtë vendit me babanë dhe vëllain e saj, ndërsa në 2014 u kthye me dy duete me vëllain e saj. **Josif Minga ka lindur në Korçë më 13 prill 1954 . Mbaroi shkollën e mesme të përgjithshme, duke shfaqur njëkohësisht prirje për muzikën. Kontaktet e para ishin nëpërmjet instrumentit të fizarmonikës dhe më pas me krijimtarinë muzikore. Më 1976 mbaron Institutin e Lartë të Arteve në degët teori dhe kompozicion me prof. Çesk Zadeja. Më pas, për 13 vjet punon si pedagog në shkollën e mesme artistike “Tefta Tashko Koço” në Korçë, duke dhënë mësim në lëndët harmoni, orkestracion e solfezh. Në vitet 1987 –1993 punon si kompozitor në profesion të lirë. Në opusin e tij krijues renditen vepra të gjinive të ndryshme: muzikë vokale, orkestrale, instrumentale, muzikë filmi, teatri dhe një numër i madh këngësh të muzikës së lehtë. Gjithashtu, opereta për fëmijë “Ditë gëzimi”, opera “Liceistët” si dhe “Tema me variacione” për oboe dhe orkestër, ekzekutuar në Tiranë, Prishtinë, Itali dhe Suedi. Josif Minga ka përpunuar rreth 120 këngë qytetare dhe popullore shqiptare.Albumi me korale accapella është një përmbledhje me korale accapella të punuara gjatë 30 vjetëve dhe të interpretuara në vende të ndryshme, brenda dhe jashtë Shqipërisë. ***Ilia Lulo ka lindur në Korçë më 01/06/1954 dhe ka kryer studimet e larta pranë Akademisë së Arteve. Ai ka fituar çmimin e parë në konkursin e instrumentistëve të frymës në vitin 1984. Ka një karierë të përkryer si solist në koncerte brenda dhe jashtë vandit. Ka qënë pjesëtar pranë Ansamblit Skënderbeu në orkestrën popullore, ndërsa vitet e fundit është pjesë e grupit Lira, Bandës së qytetit dhe pedagog në Shkollën e mesme artistike Tefta Tashko.