Гостување на ТВ Сител по повод убиството на жена и нејзиниот татко од страна на поранешниот партнер

Гостување на ТВ Сител по повод убиството на жена и нејзиниот татко од страна на поранешниот партнер во Велес - 18.09.2025. За време на гостувањето беше нагласена потребата за подобрување на одделни аспекти од постапувањето на практичарите од полиција, ОЈО и основните судови при сторени кривични дела како резултат на насилство врз жените и семејното насилство. Прво, неопходно е да се овоможат услови за примена на мерките за заштита од ревиктимизација при пријавување на насилството. Проценката на ризик од повторување на насилството треба да биде процес кој ќе се спроведува континуирано со заедничко вклучување на ЦСР и полиција во рана фаза на проценка на ризик и размена на информации со ОЈО и судовите за преземање на соодветни мерки за справување со ризикот. Потребно е да се зајакната капацитетите на практичарите за препознавање на одделни форми на семејното насилство кои остануваат неказнети, како што се психолошкото, економското и сексуалното насилство. Да се подобри третманот на пријавените случаи преку нивно квалификување како кривични дела и намалување на бројот на поплаки. Понатаму, за ефективен кривичен прогон неопходно е приоритизирање и зголемување на стапката на процесуирање на овие предмети од страна на ОЈО, кои исто така треба да реагираат и веднаш да ги повикаат на кривична одговорност сторителите кои не ги почитуваат изречените привремени мерки за заштита. За постинување на целта на казнувањето на сторителите на насилство врз жените и семејното насилство потребно е да се подобри и постапувањето на судовите, преку итно постапување во овие предмети, примена на посебни мерки за заштита на жртвите во текот на постапката, намалување на стапката на условни осуди и изрекување на предвидените затворски казни за ови сериозни кривични дела.