Хисорак тухфаси

Ҳисорак сув омбори - йирик гидротехника иншооти. Қашқадарё вилоятидаги Қашқадарёнинг ирмоғи бўлган, Оқсув дарёси ўзанида 1977—1988 йилларда қурилган. У Шаҳрисабз тумани Мироқи шаҳарчасидан 1,5 км узоқликда жойлашган бўлиб, 48 минг гектар ер майдонларини суғоришга мулжалланган. Умумий ҳажми 170 млн.м³ , тўғон тош-тупроқли, узунлиги 666 м, баландлиги 138 м, сув юзаси 4,2 км². Сув омборининг сув чиқариш имконияти 200 м³/с, сув ташлама иншоотиники 130 м³/с. Ҳисорак сув омбори тўғон, сув чиқариш, сув ташлама, 45 МВт кувват электр энергия ишлаб чикарувчи Хисорак ГЭС га сув келтирувчи кувур тармоғи ва фильтрация сувларини йиғувчи дренаж тармоқлари тизими ва бошқа иншоотлардан иборат. Комил Амиров 1978-1987 йиларда Хисорак сув омбори қурилишига рахбарлик қилган.