කළු ගඟේ රළු සැඩපහර මෙල්ල කළ ගඟේ තොරණ - රත්නපුරේ කොල්ලන්ගේ ශක්තිය කැමරාවේ සටහන් වූ හැටි...

Ada Derana | ශ්‍රී ලංකාවේ විශ්වසනීය හා ප්‍රමුඛතම පුවත් සපයන්නා කළු ගඟ මැද ඉදිකෙරෙන පොසොන් තොරණ සමඟ පොසොන් තොරණ හතක්, පහන් කුඩු තරගයක් හා දන්සැල් 21 ඇතුළු විශේෂාංග රැසකින් සමන්විතව රත්නපුර මුවගම සිරි විසුද්ධාරාම විහාරස්ථානය කේන්ද්‍ර කර ගනිමින් නිර්මාණය වූ පොසොන් කලාපයට මේ වනවිට සියල්ල සුදානම් කර තිබේ. Friends Life Society තරුණ කැල හා ප්‍රදේශවාසීන්ගේ සහයොගයෙන්, මුවගම සිරි විසුද්ධාරාමාධිපති හිමියන් ගේ අනූශාසනා අනුව මෙම පොසොන් කලාපය සංවිධානය කර ඇත. අද (29) සිට ලබන 05 වනදා තෙක් රත්නපුරයේදී පැවත්වෙන මෙම පොසොන් කලාපය ලංකාවේ විශාලතම සහ සුවිශේෂීතම පොසොන් කලාපය බව සංවිධායකවරුන් පවසති. කළු ගඟ මැද ඉදිකෙරෙන පොසොන් තොරණ ලංකාවේ ප්‍රධාන ගංගාවක් මැද ප්‍රදර්ශනය කරන එකම තොරණයි. එය වටා නෙළුම් මල් පහන් කුඩු රැසකින් ද විශාල නෙළුම් මලකින්ද හැඩකර තිබේ. අයිස් පැකට් මතින් විදුලි ආලෝක රටා මැවෙන තොරණක්ද මෙවර මේ පොසොන් කලාපයේදී ප්‍රදර්ශනය කෙරේ. මත් උවදුරින් තරුණ පරපුර බේරා ගනිමු මැයෙන් මෙවර පොසොන් කලාපය සංවිධානය කර තිබේ. #AdaDerana #News #SriLankaNews #LatestNews #DeranaNews #TVDerana #TrendingNews #ViralNews #SriLanka #SLnews