डोल्पो समाज द्वारा काठमाण्डौमा आयोजित विशेष धार्मिक कार्यक्रममा छ्योक्ट्रुल ग्याङखाङ रिन्पोछे

ञिङमा सम्प्रदायका सर्वोच्च विद्वान तथा ञिङमा मोन्लम छेन्मोका प्रमुख छ्योक्ट्रुल ग्याङखाङ रिन्पोछेले डोल्पो समाज द्वारा काठमाण्डौमा आयोजित विशेष धार्मिक कार्यक्रममा सहभागिता जनाएका छन्। डोल्पो समाजको निमन्त्रणालाई स्वीकार गर्दै सन २०२६ को अप्रिल १८ तारिख शनिबारका दिन रिन्पोछेले विशेष धार्मिक अनुष्ठानमा सहाभागिता जनाएका हुन्। सो अवसरमा रिन्पोछेद्वारा डोल्पो समाजको नवनिर्मित प्रार्थना हलको विधिवत् प्राण–प्रतिष्ठान सम्पन्न गरिएको छ। साथै समस्त प्राणीहरूको कल्याणका लागि विशेष प्रार्थना तथा पूजाआजा गरिएको थियो। कार्यक्रममा उपस्थित भक्तजनहरूलाई वाङ अर्थात दीर्घायु आशीर्वाद समेत प्रदान गरिएको थियो। कार्यक्रमलाई सम्बोधन गर्दै छ्योक्ट्रुल ग्याङखाङ रिन्पोछेले डोल्पो समाजका संस्थापक अध्यक्ष ङिमा रिन्पोछेलगायत टुल्कु, खेन्पो, साधक तथा भिक्षु–भिक्षुणीहरूलाई हार्दिक टाशी देलेक व्यक्त गरेका छन्। ग्याङखाङ रिन्पोछेले क्याब्जे ड्रुपवाङ रिन्पोछेले बौद्ध शिक्षा आर्जनका लागि नाम्ड्रोलिङ गुम्बा स्थापना गरेको उल्लेख गर्दै उक्त गुम्बामा ङिमा रिन्पोछेलगायत धेरैले बौद्ध धर्म र दर्शनको अध्ययन तथा अभ्यासमा पारङगत भई बौद्ध धर्मको संरक्षणमा महत्वपूर्ण योगदान दिइरहेको बताए। उक्त कार्यक्रममा डोल्पो क्षेत्रसहित विभिन्न स्थानबाट आएका भिक्षु, भिक्षुणी तथा श्रद्धालु भक्तजनहरूको उल्लेखनीय उपस्थिति रहेको थियो। ञिङमा सम्प्रदायका सर्वोच्च विद्वान तथा ञिङमा मोन्लम छेन्मोका प्रमुख एवं ड्रुब्वाङ पेमा नोर्वु रिन्पोछेका आध्यात्मिक प्रतिनिधि छ्योक्ट्रुल ग्याङखाङ रिन्पोछे दक्षिण भारतको मैसूरमा/मैसुरुमा अवस्थित ञिङमा परम्पराका नामड्रोलिङ गुम्बाका प्रमुख समेत हुन्। नामड्रोलिङ गुम्बाबाट डोल्पो समाजका संस्थापक अध्यक्ष ङिमा रिन्पोछे र बौद्ध धर्म गुरु शाक्य रिन्पोछेसहित डोल्पो क्षेत्रका हजारौं भिक्षु तथा भिक्षुणीहरूले शिक्षा तथा आध्यात्मिक उपदेश प्राप्त गर्दै आएका छन्। ©Tashi Broadcasting Service Pvt.Ltd. Unauthorized downloading and duplicating on YouTube channel and any other media platform is STRICTLY PROHIBITED and will lead to punitive measures. Follow us on Facebook :-   / tashi.television   #TashiTelevision #TashiNews #Tashitv