Top News - Dënimi i fundit me vdekje në 1992/ Ishte në Fier, pas masakrës së Libofshës

Duke marrë shkas nga vrasja e 8-vjeçarit, dhjetëra banorë të Fierit janë mbledhur në qendër të qytetit për të firmosur një peticion për rikthimin e dënimit me vdekje. Nisma e tyre duket se mbështet nga një numër i lartë qytetarësh edhe në zona të tjera të vendit. Qytetarët dhe familjarët e vogëlushit kërkojnë dënim maksimal për Klodian Çalamanin, autorin e dyshuar të vrasjes së Mateo Vasiut. Shumë prej tyre, teksa flisnin për mediat, kujtuan dënimin e fundit me vdekje në Shqipëri, ku dy vëllezër u varën në shesh, në qendër të Fierit. Masakra e Libofshës, ku pesë anëtarët e familjes Pupa u masakruan dhe u vranë brenda shtëpisë, është një prej ngjarjeve më tronditëse që kanë ndodhur në Shqipëri. Në kohën kur sapo komunizmi ishte shembur, drejtësia shpalli fajtor dhe ekzekutoi me dënimin me vdekje, varje me litar, vëllezërit Josif dhe Dritëbardh Çuko. Krimi ndodhi në 29 maj të vitit 1992 kur dy vëllezërit hynë në mesnatë në banesën e familjes Puto me qëllim për t’i grabitur. Si pasojë ata vranë djalin e vogël të shtëpisë, së bashku me nusen e tij, babanë dhe nënën – pasi e torturuan për një orë – dhe në fund mbesën 8-muajshe të familjes. Ngjarja bëri bujë të madhe në Shqipërinë e asaj kohe. Opinioni qytetar kërkoi dënim me vdekje për autorët. Pas një gjyqi prej 24 ditësh, të dy vëllezërit u shpallën fajtorë dhe u dënuan me vdekje: ekzekutim me varje në mes të qytetit. Pas varjes në mes të qytetit, trupat u lanë të varur deri mbrëmjen tjetër, për t’u parë nga turma njerëzisht që erdhën dhe nga qytetet e tjera. Prej asaj kohe, në Shqipëri nuk është aplikuar më dënimi me vdekje. Gjithsesi, krimi makabër i ditëve të fundit në Fier, ka shtuar zërat që kërkojnë rikthimin e dënimit me vdekje, si e vetmja mënyrë për të parandaluar krime të tilla të tmerrshme. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #Masakra#Libofshë#TopChannel