Aksioni i policise ndertimore Elbasan per prishjen e ndertimeve pa leje - (8 Maj 2002)

Lajme Arkiva - TV Klan 2002 Policia ndërtimore e Elbasanit ka shembur 200 kioska të ngritura pa leje në këtë qytet. Aksioni përfshiu prishjen e ndërtimeve nga qendra e Elbasanit, pak metra larg bashkisë dhe prefekturës. Më pas fadromat u zhvendosën në pjesët periferike të qytetit. Brenda këtij muaji, sipas drejtorit të policisë ndërtimore, do të prishen edhe 100 objekte të tjera pa leje. Ky aksion do të përqendrohet në zonën përreth kalasë së Elbasanit, Gjatë kohës që punonjësit e policisë ndërtimore, kanë ekzekutuar urdhrin për prishjen e objekteve pa leje, nuk ka pasur reagim nga pronarët e tyre, madje ata ndihmuan në çmontimin e tyre bashkë me punonjësit. Në të gjithë qarkun e Elbasanit rezultoi sipas statistikave zyrtare, rreth 4500 ndërtime pa leje. Aksioni për prishjen e tyre do të vijojë edhe në Peqin, Gramsh e Librazhd./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/