Fshati vetëm për të moshuar, Brataj i Vlorës braktiset nga të rinjtë

#oranews #largimirinise #emigracioni #fshatibrataj #brataj #vlore #bratajvlore #temoshuarit #braktisjavendit #braktisjafshatit Fshati Brataj në Vlorë si shumë zona rurale në vendin tonë po boshatiset dita ditës nga të rinjtë. Nga 300 familje aty kanë mbetur vetëm 100 prej tyre, ndërsa kryesisht në to jetojnë të moshuar në kushte të vështira ekonomike. Dikur në fshatin Brataj 40 kilometra larg Vlorës jetonin 300 familje, ndërsa tanimë 1/ 3 e tyre kanë ikur. Të rinjtë kanë zgjedhur emigrimin, duke lënë pas fshatin e bashkë me të shtëpitë e tyre. "Një djalë të vetëm kam, e kam në Gjermani." "Ka ikur gjithë rinia, kemi ngelur vetëm ne mosha e mesme." Banorët thonë se papunësia dhe gjendja ekonomike i ka detyruar të rinjtë që të ikin jo vetëm nga fshati por edhe nga vendi. "Nuk e bëjmë dot ekonominë, është ekonomia që na detyron. Unë i kam të dy djemtë e mi të ikur në emigrim." Të moshuarit që kanë mbetur në Brataj thonë se mezi ja dalin që të jetojnë. "Të ardhura nuk ka, ne që jemi pa pension jemi keq. Pa pension fare." "Pleq nga 2-3 në shtëpi, kanë ikur. Pse largohen duhet ta pyesim qeverinë. Djali im ka ikur në Gjermani." Instituti i Statistikave në vendin tonë ka dhënë shifra alarmante të ikjes së të rinjve ku në bazë të të dhënave zyrtare prej viti 2016 deri në vitin 2021 nga Shqipëria janë larguar 53.515 të rinj. Për më shumë lexoni në: https://www.oranews.tv/vendi/fshati-v... Follow Televizionin Ora News Website: www.oranews.tv Youtube http://bit.ly/2DDddtL Facebook: http://bit.ly/2RkUN4s Instagram   / oranewstv   Twitter   / oranewsrtv