Ssekiboobo Asiimye Omukulu W’essomero lya St Balikuddembe S.S Kisoga, Lydia Lukwago Kagoya

Omwami wa Kabaka atwala essaza ly’e Kyaggwe, Ssekiboobo Vincent Matovu Bintubizibu atenderezza omukulu w’essomero lya St. Balikuddembe S.S Kisoga, Lydia Lukwago Kagoya olw’omulimu ogw’amaanyi gw’akoze mu ssomero lino emyaka emitono gye yaakamala ng’omukulu waalyo. Ssekiboobo agamba nti nga Munnakyaggwe amaze emyaka mu kitundu kino, mu myaka egikunukkiriza mu 30 essomero lino gye limaze abadde aliraba nga bwe litambula kyokka nga mu kiseera ekitono Kagoya gy’amaze nga y’alikulira, ekifaananyi kyalyo kikyuse nnyo ne lifuuka eriri ku mutindo gw’ensi yonna buli muzadde ly’ayayaanira. “Abazadde n’abayizi nsaba mukubireko mu ngalo Muky. Kagoya ono. Nnina ennimiro e Ntenjeru eyo, naye nnayitanga ku ssomero lino ng’embeera gye lirimu, nga lye limu kw’ago amasomero g’otayinza kuggyayo bwe bakusaba amasomero. Naye emyaka egitono egitasoba na mu mukaaga gy’amaze mu ssomero lino, ne bw’oba oyita buyisi mu kkubo, bw’oliraba otegeera nti wamma ddala lino ssomero. Ate nno mwana wattu ky’olaba ng’oliyitako, ate ne bw’oyingira munda kye liri, tukwebaza nnyabo olw’okuweereza nga teweebalirira,” bwe yategeezezza. ‪@kyaggwetv1‬ Like, Share, Comment and Subscribe to Kyaggwe TV on both FaceBook and YouTube for daily updates.    • Ssekiboobo Asiimye Omukulu W’essomero lya ...