ثوب جديد، سيف ملتهب، آدم وحواء خارج الجنة! | برنامج كل الكتاب - الأخ عياد ظريف و الأخ يوسف رياض

وصنع الرب الإله لآدم وامرأته أقمصة من جلد والبسهما. (تكوين 3: 21) ماذا ترى في هذا العدد؟ في ثلاث أنواع من الثياب : توب راح ومش هيرجع تاني "توب البراءة" لإن البراءة مفيش وعرف الخير والشر. في بقى نوعين انهارده موجودين ، نوع أنا بعمله لنفسي، "ده البر الذاتي" بمآزر وورق التين اللي متنفعش. وفي نوع بيعمله ربنا صنع الرب الإله لآدم وامرأته أقمصه من جلد ، وهو ده النوع اللي ينفع، ده بر الله. وعلى كل واحد من المشاهدين اختار عايز تعمل توبك لنفسك وتستر نفسك بورق تين؟ وقدام ربنا هتقول أنا عريان، إذا عايز تاخد الهدية العظيمة اللي عملها الرب صنع لآدم وامرأته، اللي صنع في تكوين 3: 21 ،هو بعينه الرب اللي في عبرانيين 1 صنع بنفسه تطهيرًا لخطايانا. عندما صنع الرب الإله لآدم وامراته أقمصة من جلد على أساس الذبيحة وهنا تأتي الاشارة الأولى للذبيحة في كل الكتاب المقدس .. ربنا غطاهم بالجلد ، لكن يقدروش يكملو جوه الجنة لازم يطلعو بره الجنة. في عدد 22 وقال الرب الإله: هوذا الإنسان قد صار كواحد منا عارفا الخير والشر. والآنَ لَعَلَّهُ يَمُدُّ يَدَهُ ويأخُذُ مِنْ شَجَرَةِ الحياةِ أيضًا ويأكُلُ ويَحيا إلَى الأبدِ». فَأَخْرَجَهُ الرَّبُّ الإِلهُ مِنْ جَنَّةِ عَدْنٍ لِيَعْمَلَ الأَرْضَ الَّتِي أُخِذَ مِنْهَا.(تكوين 3: 23) فَطَرَدَ الإِنْسَانَ، وَأَقَامَ شَرْقِيَّ جَنَّةِ عَدْنٍ الْكَرُوبِيمَ، وَلَهِيبَ سَيْفٍ مُتَقَلِّبٍ لِحِرَاسَةِ طَرِيقِ شَجَرَةِ الْحَيَاةِ (تكوين 3: 24). طُرد الإنسان وأتقطع الطريق على طريق شجره الحياة، وفيه لهيب سيف متقلب. المنظر ده بتشوف فيه ايه؟ بشوف فيه 3 حاجات: أول حاجة ربنا منعه من الاقتراب إلى شجرة الحياة لإنه لو عاش في حاله العري والخزي هتبقى مأساة، يعني تخيل آدم لم يمت إلى اليوم، وهو الموت بيسري فيه مامتش، مأساة! لذلك منعه الله من أجل شجرة الحياة، لإنه كان عنده مشروع أعظم. الحاجة التانية أن السيف لم يستيقظ على أحد ظل نائمًا ، لم نقرأ أبدا أن هذا السيف يعني حاول ادم ولا حواء ولا قايين ولا أي حد إن يقرب يأكل ، فلم يُستعمل هذا السيف إطلاقا حتى نصل الى (زكريا 13 : 7 استيقظ يا سيف). يا اللي بقالك 4000 سنة نايم اضرب آدم لا، اضرب حواء تستحق لا برضو، اضرب قايين الشرير برضو لا، أمال مين اللي يضرب؟ اضرب الراعي، مين الراعي ده؟ حبيبنا اللي مات لأجلنا ، اللي قَبِلَ البدلية ، هنا بنشوف أقمصة من جلد ، وبنشوف السيف اللي استيقظ على الراعي ، يا له من مخلص رائع عظيم! ولا يُختم هذا الاصحاح الكئيب إلا بالكلام عن شخص الرب يسوع المسيح. الحقيقة كمان أنا منبهر بالوحي اللفظي، كل كلمه ليها معنى، ميقولش إنه أقام سيف متقلب، لكن لهيب سيف، يعني النار أولَا قبل السيف لهيب سيف مش سيف لهيب، لإنه الحقيقة في الذبائح تُذبح الذبيحة أولًا بالسيف ، ثم تحرق بالنار ، وبعدين تحرق، لكن شخص المسيح أتت عليه نيران وهو على الصليب حي ثم بعد كده أسلم الروح. يمكن نرى ظلًا لهذا في سؤال إسحاق هناك في تكوين 22 هوذا النار والسكين، فالنار أولًا، ثم السكين، اللهيب أولًا ثم السيف. ودي ذبيحة المسيح فقط، وهذا السيف وقع على المسيح فقط باعتباره الراعي على الصليب يُفتح الباب إلى شجرة الحياة له كل المجد. ----------------------------------------------------------- Follow us on: Facebook Page :  / kolelketab   Instagram :  / kolelketab   Soundcloud :  / kolelketab-program   Youtube :   / kolelketab   Tiktok :  / kolelketab   Website :www.kolelketab.com ---------------------------------------------------------- مع خدام الرب #الأخ_عياد_ظريف و #الأخ_يوسف_رياض #دراسة_سفر_التكوين #سفر_التكوين #كل_الكتاب #العهد_القديم #سفر_البدايات ---------------------------------------------------------- للينك الحلقة كاملة    • برنامج كل الكتاب | الحلقة 9- سفر التكوين -...