Rama: Shqipëria nuk ka qenë kurrë për shitje, BE është mision historik i PS

Kryeministri Edi Rama ka deklaruar se Partia Socialiste ka marrë përsipër një mision historik për anëtarësimin e Shqipërisë në Bashkimin Europian, duke theksuar se shqiptarët i kanë besuar udhëheqjen drejt këtij objektivi. Sipas tij, që nga momenti kur PS ka marrë këtë përgjegjësi, Shqipëria “nuk ka qenë kurrë për shitje”. "Që kur PS ka marrë përsipër misionin historik për ta anëtarësuar Shqipërinë në BE dhe shqiptarët më kanë besuar udhëheqjen e tyre drejt asaj maje, Shqipëria nuk ka qenë kurrë për shitje. Ky vend nuk ka qenë kurrë më një krijesë e nënçmuar përpara askujt. Flamuri i ngritur në Vlorë nga plaku legjendar i Pavarësisë nuk ka qenë kurrë asnjëherë simbol i patriotizmit të shtirur, asnjë ofertë për të ofruar në vend të reformave shtetndërtuese, por për ne, për mua, Shqipëria është një amanet i shenjtë në sytë, në mendjen dhe në zemrën time. Prandaj jam krenar sot në këtë përvjetor përballë të gjithëve ju', tha Rama. Kryeministri shtoi se ndihet krenar në këtë përvjetor, duke theksuar angazhimin e tij dhe të qeverisë për procesin e integrimit europian të vendit. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan