અમેરિકા ફરવા ગયેલી ઈન્ડિયન ફેમિલીના દીકરાનું NYમાં મોત

અમેરિકા ફરવા ગયેલી એક ઈન્ડિયન ફેમિલીના 18 વર્ષના દીકરાનું ખૂબ જ ચોંકાવનારા સંજોગોમાં મોત થઈ ગયું છે. સંભવત: ફોટો પડાવવા જતાં થયેલા અકસ્માતમાં પોતાની માતાને બચાવવા જતાં આ છોકરાએ પોતાનો જીવ ગુમાવ્યો છે. મૃતકનું નામ રોમાંચ મહાજન હતું જે પોતાના પેરેન્ટ્સ અને નાના ભાઈ સાથે પહેલીવાર ઈન્ડિયાથી અમેરિકા ફરવા ગયો હતો. આ ફેમિલી જૂન 17ના રોજ ન્યૂયોર્કમાં સ્ટેચ્યુ ઓફ લિબર્ટી અને 9/11 મેમોરિયલ જોયા બાદ બ્રુકલિન બ્રિજ ગઈ હતી અને બપોર સુધીમાં તેઓ સેન્ટ્રલ પાર્ક પહોંચ્યા હતા જ્યાં તેમણે ઘોડાગાડીની સવારી કરી હતી. જોકે, સેન્ટ્રલ પાર્કમાં ચેરી હિલ પાસે એક ફાઉન્ટેન નજીક આ ફેમિલીએ બગી ઉભી રખાવીને તેના ચાલકને એક ફેમિલી ફોટો ક્લીક કરવા માટે કહ્યું હતું. જોકે, ફોટો પાડવા માટે તેનો ચાલક નીચે ઉતર્યો તે જ વખતે ઘોડો ભડકીને દોડવા લાગ્યો હતો. તેની પાછળ બગી ઢસડાઈ હતી અને ચાલક પણ ઘોડાને પકડવા માટે તેની પાછળ દોડ્યો હતો.