Toshkent davlat tibbiyot universiteti rektori Shuxrat Boymuradovning yangi yil tabrigi!

Assalomu alaykum hurmatli professor-o‘qituvchilar, tibbiyot xodimlari va aziz talabalar! Sizlarni kirib kelayotgan Yangi 2026 - yil bilan chin qalbimdan tabriklayman. Yana bir yil yakunlanar ekan, ortda qolayotgan davr universitetimiz hayotida muhim yutuqlar, samarali ilmiy izlanishlar va ta’lim sifatini yuksaltirish yo‘lidagi izchil islohotlar bilan yodda qoldi. Bu muvaffaqiyatlar, avvalo, Sizlarning fidokorona mehnatingiz va sa’y-harakatlaringiz samarasi ekanini alohida ta’kidlash joiz. Yangi yil barchangizga mustahkam sog‘liq, tinchlik-xotirjamlik, oilaviy farovonlik hamda ilmiy va kasbiy faoliyatingizda yangi marralar olib kelsin. Oldimizda turgan ulkan vazifalarni jipslik va hamjihatlikda ado etib, yurtimiz tibbiyoti ravnaqiga munosib hissa qo‘shishda barchangizga omad va zafarlar tilayman. Yangi yil muborak bo‘lsin! Hurmat bilan, Toshkent davlat tibbiyot universiteti rektori, professor Boymuradov Shuxrat Abdujalilovich