UMWAMI UGANJE: Ese Jay Polly yishwe azira umugambi wo kugarura Umwami KIGELI V Ndahindurwa i Rwanda?

Umwami Uganje; Indirimbo Jay Polly Yazize? Ukuri kuri Hip Hop na Politike by' U Rwanda. Mu kiganiro Badrama aheruka gukorana na Sheila Kamuzinzi, hatinzwe cyane ku ndirimbo 'UMWAMI UGANJE' ya Jay Polly. Badrama yagaragaje ko kuba Jay Polly yararirimye iyi ndirimbo bishobora kuba yarashyize ubuzima bwe mu kaga, ndetse akagera n’aho avuga ko Perezida Paul Kagame yaba yaratanze amabwiriza yo kumwivugana. Badrama asobanura ko iyi ndirimbo yagaragazaga ko Jay Polly ashyigikiye Umwami Kigeli V Ndahindurwa, bityo akaba yari akurikiye umugambi wa Fred Gisa Rwigema wo kugarura ubwami mu Rwanda. Ibi ngo byaba byarashyize Jay Polly mu kaga kuko injyana ye ya Hip Hop yari ifite intego ya 'revolution' mu Rwanda. Muri iki kiganiro cyacu, turasesengura ukuri ku isano riri hagati y’injyana ya Hip Hop na politiki mu Rwanda. By’umwihariko, turagaragaza igihe Umwami Kigeli yagaragarije ubushake bwo gutaha mu Rwanda, tubigereranye n’igihe Jay Polly yasohoreye iyi ndirimbo, kugira ngo turebe niba koko ibi bihe byombi bifitanye isano nk’uko Badrama abitindaho. Nk’uko bisanzwe, intego yacu ni uko abanyarwanda baganira kuri politiki nta rwicyekwe, nta gutinya, ariko kandi birinda 'propaganda', gukwirakwiza ibihuha, cyangwa gusebanya. Ibi tubikora kuko usanga akenshi politiki idindiza abanyarwanda mu mpaka z’urudaca, amakimbirane, n’urwango bidindiza iterambere ry’imitekerereze. Ibiganiro byacu byibanda ku kuri n’ibimenyetso (facts) kuruta gutinda mu nkuru zidafitiwe gihamya. Ese wowe ubona injyana ya Hip Hop ifite uruhare ki muri politiki y'u Rwanda? Tubwire mu bitekerezo (comments)