ప్రణయ వేదన సీజన్ 1 రెండూ మనసుల కలయిక

ఆ విశాలమైన కింగ్ సైజ్ మంచంపై 'సింఘానియా' కుటుంబానికి (ముంబైలోని మరో పవర్‌ఫుల్ సాంప్రదాయ ధనిక కుటుంబం) చెందిన చిన్నకూతురు ఇందు పెళ్లి పట్టుచీరలో ముడుచుకుని కూర్చుని ఉంది. ఆమె చేతులు వణుకుతున్నాయి. గుండె చప్పుడు ఆమెకే వినిపించేంత వేగంగా కొట్టుకుంటోంది. కళ్లల్లో భయం, అమాయకత్వం నిండాయి. తన అక్క నందిని ప్రాణంగా ప్రేమించిన వ్యక్తి ఈ అర్జున్ వర్మ అని ఇందుకి తెలుసు. కొన్ని నెలల క్రితం జరిగిన ఆ నల్లటి రాత్రి ఆమె కళ్లముందు కదలాడింది. ఇందు, నందిని ఇద్దరూ కార్లో లాంగ్ డ్రైవ్ వెళ్తుండగా... డրైవింగ్ సీట్లో ఉన్న ఇందు కంట్రోల్ తప్పడంతో కార్ సడన్‌గా వెళ్లి రోడ్డు మధ్యలో ఉన్న డివైడర్‌ను బలంగా ఢీకొట్టింది. ఆ వేగానికి కార్ రోడ్డుపై కొన్ని పల్టీలు కొట్టింది. ఆ ఘోర ప్రమాదంలో నందిని అక్కడికక్కడే ప్రాణాలు కోల్పోయింది, ఇందు మాత్రం కొన్ని గాయాలతో బయటపడింది. అక్క చావుకి తనే కారణమనే అపరాధ భావం (guilt) ఇందుని రోజురోజుకూ లోపల దహించేస్తోంది. కానీ అర్జున్ మనసులో ఏముందో ఆమెకు తెలియదు. ఇందు కావాలనే తన ఆస్తి కోసం, ఈగో కోసం నందినిని కార్ యాక్సిడెంట్ చేసి చంపేసిందని అర్జున్ బలంగా నమ్మాడు. అక్క లేని ఇందు జీవితాన్ని నరకం చేయడానికే, ఇరు కుటుంబాల పెద్దలను ఒప్పించి ఈ పెళ్లి చేసుకున్నాడు. అర్జున్ మనసులోని బాధను తను భార్యగా, ప్రేమతో దూరం చేయవచ్చని ఇందు అమాయకంగా నమ్మింది. అందుకే ఈ బంధానికి ఒప్పుకుంది. టిక్... టిక్... టిక్... గడియారం ముల్లులు కదులుతున్నాయి. ఇందు శ్వాస మరింత వేగమైంది. అప్పుడే రూమ్ డోర్ హ్యాండిల్ తిరిగింది. క్లిక్ మనే శబ్దంతో డోర్ ఓపెన్ అయింది. అర్జున్ లోపలికి అడుగుపెట్టాడు. పెళ్లి షేర్వాణీ విప్పేసి, వైట్ షర్టుతో ఉన్నాడు. అతని జుట్టు కాస్త చెదిరి ఉంది. కళ్లల్లో పెళ్లి కొడుకుకి ఉండాల్సిన ఆనందం లేదు... నిలువెల్లా రగులుతున్న ప్రతీకార జ్వాల, విపరీతమైన కసి మాత్రమే ఉన్నాయి. లోపలికి రాగానే వెనక్కి తిరిగి డోర్‌ను గట్టిగా లాక్ చేశాడు. ఆ లాక్ శబ్దానికి ఇందు శరీరం ఒక్కసారిగా ఉలిక్కిపడింది. అర్జున్ నెమ్మదిగా, కఠినమైన అడుగులతో మంచం వైపు రాసాగాడు. ఒక్కో అడుగు వేస్తుంటే అతని బూట్ల శబ్దం ఇందు గుండెల్లో సుత్తె దెబ్బల్లా పడుతోంది. టేబుల్‌పై ఉన్న పాల గ్లాస్‌ను అసహ్యంగా పక్కన విసిరినట్టు పెట్టాడు. అతను ఇందు ముందుకు వచ్చి నిటారుగా నిలబడ్డాడు. ఇందు భయంతో వణుకుతూనే, నెమ్మదిగా తల పైకెత్తి అతని వంక అమాయకంగా, ఆశగా చూసింది. కానీ అర్జున్ చూపుల్లో మాత్రం ఆమెను నిలువెల్లా దహించేసేంత లస్ట్, కోపం కనిపించాయి. అతను ఒక్క క్షణం కూడా ఆలస్యం చేయకుండా, ఇందు ముఖం మీదున్న నెట్ ముసుగును వెనక్కి నెట్టాడు. ఆమె అందమైన ముఖం చంద్రుడిలా మెరుస్తోంది. కానీ అర్జున్ గుండె రాయి అయిపోయింది. ఆమె గడ్డాన్ని తన బలమైన వేళ్లతో గట్టిగా పట్టి పైకి నెట్టాడు. ఆ పట్టుకి ఇందు పెదవులు నొచ్చుకున్నాయి, కళ్ల వెంట నీళ్లు తిరిగాయి. "సింఘానియా గారి చిన్నకూతురా! నా నందిని కార్ పల్టీలు కొట్టి, రక్తం ఓడుతూ చనిపోయేలా చేసి... ఈరోజు నా బెడ్‌పై ఏమీ తెలియని