કલોલનો એક યુવક ડિપોર્ટ થયો તેમાં કબૂલાત લેનારો ફસાઈ ગયો

કલોલનો એક યુવક તાજેતરમાં જ અમેરિકાથી પાછો આવતા તેના પેમેન્ટની કબૂલાત લેનારાને હવે અંડરગ્રાઉન્ડ થઈ જવાનો વારો આવ્યો છે. આ યુવક ત્રણ મહિના પહેલા કેનેડાવાળી લાઈનથી અમેરિકા પહોંચવાનો હતો, તેણે બોર્ડર પણ ક્રોસ કરી લીધી હતી પરંતુ ત્યાં જ તેની ધરપકડ કરી લેવામાં આવી હતી. સૂત્રોનું માનીએ તો જૂન મહિનાના બીજા વીકમાં ડિપોર્ટ કરી દેવાયેલો આ યુવક દિલ્હી એરપોર્ટ પર લેન્ડ થયો ત્યારે તે કયા એજન્ટ મારફતે અમેરિકા ગયો હતો અને આ પ્રકરણમાં કોણ-કોણ સંડોવાયેલું હતું તેની માહિતી માગવામાં આવી હતી. તેની સામે કોઈ ફરિયાદ નથી નોંધાઈ પરંતુ તેણે જે લોકોના નામ આપ્યા હતા તે તમામ હાલ દોડતા થઈ ગયા છે, જેમાં તેની કબૂલાત લેનારા મહેસાણાના એક શખસનો પણ સમાવેશ થાય છે.