Godina multifunksionale në Repartin e Operacioneve Speciale në Zall-Herr

Forcat e Repartit të Operacioneve Speciale në Zall-Herr do të kenë shumë shpejt qendrën multifunksionale, punimet për të cilën janë realizuar aktualisht në masën 80%. Ministri i Mbrojtjes z. Pirro Vengu së bashku me atasheun ushtarak amerikan në Shqipëri, kapiten i rangut II Eric Cote, inspektuan punimet që po kryhen në këtë godinë, ndërtimi i të cilës ka nisur në prill të vitit 2023 dhe pritet të përfundojë sipas planit në qershor të vitit të ardhshëm.