Top News - Rrëmbimi dhe vrasja e Jan Prengës. SPAK me prova të reja, mbrojtja i kundërshton në gjyq

Në Gjykatën e Posaçme u zhvillua seanca e radhës ndaj Dritan Rexhepit dhe gjashtë të pandehurve të tjerë, të akuzuar për rrëmbimin dhe vrasjen e Jan Prengës, një nga ngjarjet më të rënda kriminale të viteve të fundit në vend. Në seancë mungonin Dritan Rexhepi dhe Aldo Manjishta, ndërsa të pandehurit Gentian Funiqi, Geraldo Martini, Korado Kështenja, Artan Docaj dhe Marin Bleta po gjykohen në mungesë. Gjatë seancës, mbrojtja e të pandehurve u njoh me aktet dhe provat e reja të paraqitura nga Prokuroria e Posaçme, por i kundërshtoi ato. Avokatët argumentuan se procesi gjyqësor ndodhet në fazën e shqyrtimit në themel dhe se nuk mund të paraqiten komunikime të reja të siguruara nga platforma e koduar Sky ECC, të cilat sipas tyre janë të paplota. Pas dëgjimit të palëve, Gjykata pritet të vendosë nëse këto prova do të pranohen ose jo në proces. Seanca e radhës është caktuar më 30 qershor, në orën 09:30. Jan Prenga u rrëmbye më 17 janar 2020 në Kamëz dhe dyshohet se më pas u dërgua në një kompleks në Shijak, ku u torturua dhe u vra. Trupi i tij nuk është gjetur ende. Sipas hetimeve, ngjarja lidhet me zhdukjen e një sasie prej 260 kilogramësh kokainë në portin e Portsmouth-it në Britaninë e Madhe. Dyshohet se droga ishte marrë nga persona të lidhur me familjen Prenga, ndërsa vetë Jan Prenga konsiderohet se nuk kishte rol të drejtpërdrejtë në trafikun e narkotikëve. Në dëshminë e dhënë më herët, vëllai i viktimës, Ndrek Prenga, deklaroi se pak ditë para rrëmbimit ishte kontaktuar nga një person që iu prezantua si Gentian Funiqi, i cili kërkonte kthimin e 260 kilogramëve kokainë. Ai tregoi gjithashtu se më vonë ishte telefonuar edhe nga një person tjetër që pretendonte pronësinë e drogës së humbur. Çështja vijon të konsiderohet një nga dosjet më komplekse të krimit të organizuar, ndërsa drejtësia ende po përpiqet të zbardhë plotësisht fatin e Jan Prengës dhe përgjegjësit e ngjarjes. Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar. Për më shumë vizitoni: http://top-channel.tv/ Subscribe to "Top Channel" on YouTube Channel for NEWS and TV Shows HERE: http://bit.ly/2Y15KwK For more content from click HERE: www.top-channel.tv Like Top Channel on Facebook HERE: http://bit.ly/2FglWTs Follow Top Channel on Instagram HERE: http://bit.ly/2uaYG2U Follow Top Channel on Twitter HERE: http://bit.ly/2TJndeH #TopNews#SPAK#JanPrenga