Tv Klan - Tritol nga Kosova për grupet kriminale, 3 në pranga. Gjenden armë dhe 46 kg eksploziv

Ky është momenti kur policia gjen në kuti lëngje frutash kallëpët e tritoli që trafikoheshin nga Kosova me qëllim shitjen tek grupet kriminale në Shqipëri. Hetimi 4 mujor i sektorit të krimit të organizuar në Policinë e Tiranës u finalizua me sekuestrimin e 203 kallëpeve me peshë totale 46 kg. Në pranga përfunduan 3 shtetas nga Kosova të cilët i shihni dhe në këto foto, ndërsa u shpallën në kërkim 2 të tjerë. Këta të fundit mes të cilëve një vajzë, dyshohet se futën sasinë e konsiderueshme të lëndëve plasëse përmes linjës së autobusëve Kosovë-Shqipëri. “Në afërsi të Urës së Gjolës në territorin e Bashkisë Krujë u bë arrestimi në flagrancë i shtetasve Rigon Maliqi, 20 vjeç; Liron Pira; 25 vjeç, Shkëlqim Halabaku, 27 vjeç, të tre banues në Gjilan, Kosovë”, tha drejtori i Policisë së Tiranës, Tonin Vocaj. Po në kuadër të këtij hetimi për goditjen e grupit të trafikantëve, policia e Tiranës ka mundur të vë në pranga 4 persona dhe sekuestruar 4 armë zjarri pistoleta, të cilat ishin sjell nga Kosova me qëllim shitjen në Shqipëri. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/