Report TV -Rruga e pashtruar në Tiranë, banorët: Problem, sidomos në dimër

Banorët e “Agim Stafës” në Tiranë kanë vetëm një shqetësim: Të vihet dot në rrugën që ndodhet pranë shkollës “Kongresi i Manastirit”. Report Tv i dha zë problematikës në këtë zonë, ku banorët thonë se më e rëndë situata është në dimër. Ditët e karantinës i kanë bërë banorët e një lagjeje në Tiranë të fokusohen më shumë në problemet e infrastrukturës rrugore. Bëhet fjalë për rrugën Agim Stafa .“Ja prej atje, deri ke shkolla, vijnë nxënësit hyjnë në baltë. Shih sa e kanë lënë rrugicën. Duhet çizme të kalosh këtu. Është bërë gjithë rruga e Yzberishtit vetëm kjo ka mbetur, as 100 metra rrugë jo. Shumë problem se vetëm pluhur ka tani”, shprehen banorët. Për banorët e kësaj pjesa më problematike e kësaj rruge është në dimër. “Nga shkolla sjellim kalamajtë, i kemi dhe të vegjël. Nuk kalohet dot, po nuk e solle me makinë po as makinën nuk ke ku ta parkosh. Në këmbë nuk i sjellim dot fëmijët”, thotë një prej prindërve. Në anë të rrugës ndodhet edhe shkolla “Kongresi i Manastirit”. E për këtë arsye mungesa e infrastrukturës është një problematikë e theksuar veçanërisht për fëmijët të cilët duhet ta përshkojnë çdo ditë.