លោក ជា វ៉ាន់ដេត៖ ពានរង្វាន់ពី UN បង្ហាញថាកម្ពុជាមានលទ្ធភាពប្រកួតខ្ពស់នៅពេលគិតគូរផលប្រយោជន៍ប្រជាជនយើង

លោក ជា វ៉ាន់ដេត៖ ពានរង្វាន់ពី UN បង្ហាញថាកម្ពុជាមានលទ្ធភាពប្រកួតប្រជែងខ្ពស់ នៅពេលគិតគូរផលប្រយោជន៍ប្រជាជនយើង ប៊ីលីស៊ី៖ ថ្នាលផ្ទៀងផ្ទាត់ឯកសារ verify.gov.kh របស់កម្ពុជា ត្រូវបានប្រកាសថា ជាម្ចាស់ជ័យលាភី «ពានរង្វាន់សេវាសាធារណៈអង្គការសហប្រជាជាតិឆ្នាំ២០២៦» នៅក្នុងវេទិកាសាធារណៈរបស់អង្គការប្រជាជាតិ នៅក្រុងប៊ីលីស៊ី ប្រទេសហ្សកហ្ស៊ី នាថ្ងៃទី២៥ ខែមិថុនា។ នេះជាមោទកភាពជាតិខ្មែរ នៃការទទួលស្គាល់កម្រិតដ៏ខ្ពស់បំផុតមួយ បន្ទាប់ពីថ្នាលអភិវឌ្ឍដោយកូនខ្មែរមួយនេះឆ្លងកាត់ការជម្រុះប្រព័ន្ធឌីជីថលជាង៧០០ មកពី៦២ប្រទេសជុំវិញពិភពលោក។ ក្នុងវេទិកាដែលរៀបចំឡើងក្រោមប្រធានបទ «បរិវត្តកម្មស្ថាប័នសាធារណៈ៖ ការលើកកម្ពស់នវានុវត្តន៍ គណនេយ្យភាព ការចូលរួម និងបរិយាបន្ន» (Transforming Public Institutions: Advancing innovation, Accountability, Participation, and Inclusion) ថ្នាល verify.gov.kh របស់កម្ពុជា ជាប់ជ័យលាភីក្នុងចំណាត់ថ្នាក់ «ស្ថាប័នសាធារណៈដែលមានតម្លាភាព និងគណនេយ្យដើម្បីសម្រេច បានគោលដៅអភិវឌ្ឍន៍ប្រកបដោយចីរភាព»។ លោក ជា វ៉ាន់ដេត រដ្ឋមន្ត្រីក្រសួងប្រៃសណីយ៍ និងទូរគមនាគមន៍ បានដឹកនាំប្រតិភូកម្ពុជាឡើងទទួលបានពានរង្វាន់នេះផ្ទាល់តែម្តង។ « ពានរង្វាន់ដែលយើងទទួលបាននេះ សបញ្ជាក់ឱ្យឃើញថាកម្ពុជាយើង ក៏អាចធ្វើបានដូចប្រទេសផ្សេងៗក្នុងពិភពលោកដែរ ។ ហើយយើងអាចធ្វើបានល្អជាងគេទៀត នៅពេលដែលយើងខិតខំដោះស្រាយ នៅពេលដែលគិតគូរផលប្រយោជន៍ប្រជាជនយើង និងគិតគូរផលប្រយោជន៍ប្រទេសជាតិយើង។»។ លោក ជា វ៉ាន់ដេត បានថ្លែងបែបនេះប្រាប់សារព័ត៌មានឌីជីថលថ្មីៗ ( ThmeyThmey) នៅក្នុង នៅក្នុងវេទិកាសាធារណៈរបស់អង្គការប្រជាជាតិ នៅក្រុងប៊ីលីស៊ី។ ផលិតដោយសារព័ត៌មានឌីជីថលថ្មីៗ ដោយ៖ អ៊ឹង ចំរើន សូមចុចចូលតេឡេក្រាមផ្លូវការរបស់សារព័ត៌មានឌីជីថលថ្មីៗ t.me/thmeythmeymedia ដើម្បីទទួលបានព័ត៌មានរហ័ស និងសម្បូរបែប! សូមចុចចូលMessengerផ្លូវការរបស់សារព័ត៌មានឌីជីថលថ្មីៗ https://www.messenger.com/channel/Thm... ដើម្បីទទួលបានព័ត៌មានរហ័ស និងសម្បូរបែប! ទំនាក់ទំនងផ្សព្វផ្សាយពាណិជ្ជកម្មជាមួយសារព័ត៌មានឌីជីថលថ្មីៗតាមរយៈ 012 900 132/081 699 329 ឬតេឡេក្រាម t.me/salesttn ThmeyThmey Social Media: Youtube: https://bit.ly/2RNzknr Instagram: https://bit.ly/32QSFup Twitter: https://bit.ly/3iTsTuS Web: https://bit.ly/3hPEU3q Facebook: https://bit.ly/2FGyvKY Threads: https://bit.ly/44q1UPl © All Rights Reserved & Copyrights by Thmey Thmey Digital Media (thmeythmey.com) #thmeythmey #thmeythmeynews #cambodianess #thmeythmey25 #angkorwat #cambodia #ថ្មីៗ