Möhür barədə olan mövzuya aydınlıq | Şeyx Qamət Süleyman

Möhür barədə olan mövzuya aydınlıq. Keçən dərslərimizdə "Möhürlə namaz qılmaq oları?" mövzusuna toxunmuşduq. Və bunun islam dini ilə heçbir əlaqəsi olmadığını demişdik. Bəziləri möhürün əhli-sünnə kitablarında olduğunu iddia etdilər. Onların gətirdiklər kitablar - "Minəhcus-Sunnə", "İğazətul-Ləhvan" və "Zədul-Məad" və s. Bu kitablar, bəli, əhli-sünnə kitablarıdır. Amma orada qeyd olunan hədislər və əsərlər möhürlə namaz qılmağın icazəli olduğuna nə yaxından, nə də uzaqdan dəlalət eləmir. Onların gətirdiyi şübhələrdən biri də səhabələrdən biri ciblərində xırda daşlar çıxarıb Peyğəmbərin (sallallahu aleyhi və səlləm) namaz qılacağı yerlərə düzür və Peyğəmbər (sallallahu aleyhi və səlləm) onun üzərində namaz qılandan sonra “bu necə də yaxşıdır” deyir. Əvvəla, bu hadisə yağış yağan vaxtı olmuşdur. Çünki məscidin tavanı samandan idi və suyu saxlamırdı. Məscidin içi də torpaq idi. Yağış yağıb yeri palçıq etdiyindən səhabə belə bir iş gördü. İkincisi, əgər bu əməl sünnə idisə, nə üçün ondan sonra (Peyğəmbər sallallahu aleyhi və səlləm) və səhabələri bunu davam etdirmədilər?! Üçüncüsü isə, keçən dərslərimizdə də qeyd etdiyimiz kimi - əgər bu vacibdirsə, nə üçün bu cür əzəmətli ibadət olan namazın möhürlə qılınması nə Quranda, nə də hədislərdə gəlməyib?! #ŞeyxQamətSüleyman #Bidət