Kundiman At Harana sa Gitara 2 by Joel Malit

KUNDIMAN AT HARANA SA GITARA 1&2 by Joel Malit Napakabilis lumipas ang panahon...kasabay ng unti-unting paghina ng aking katawan at pagkakaroon ng mga karamdamang mahirap iwasan at bigyan ng lunas...lalo na itong aking mga kamay na matagal ko nang iniinda rayuma kahit mula pa noong noong bago pa man ako magkaroon ng mga video sa YouTube. Noong 2007 ay bumili ako ng isang Yamaha C40M, pinakamurang gitara dito sa Saudi...libangan ko sana ito at pantanggal ng homesick...kalaunan ay dinala ko rin dito ang iba ko pang mga gitara na nasa Pilipinas. Muli kong binuhay at inensayo ang mga tugtugin kong mga Kundiman at Harana na pinagtyagaan kong kapain noong 1994 mula sa mga audio cassette tapes nina Juan Silos Jr at Pedro Concepcion. Marami akong natugtog at naisalin sa tablature at karamihan pa ay aking nairecord din sa cassette tape. Tinugtog ko rin ang mga ito sa iba't-ibang paaralan sa Cavite, at maging sa ibang mga bansa sa Europa. Dahil na din mga iba pang audio MP3 na naibigay sa akin ng isang kaibigan....ay itinuloy kong muli ang pagkapa mula 2009 hanggang 2014 at natapos ko lahat na isang makapal na libro ng tablatures. Kasabay nito ay unti-unti kong nairecord ang aking mga video sa YouTube gamit ang laptop at isang cheap na clip microphone. Naipasya kong ihiwalay ang mga luma at mga bagong recording dahil sa hindi masyadong maganda ang quality ng audio na ginamitan ko ng clip mic. Wala naman kasing nabibili na maayos na pangrecord noon at kamakailan lamang nagsusulputan dito sa Saudi ang mga maayos na gamit kasabay ng paglabas ng mga smartphones. Noong nakapag-travel ako sa Turkey ay doon ako nakabili ng isang medyo maayos na mic na may built-in recorder...ang Zoom H1...at ito pa rin ang aking ginamit sa ikalawang set ng compilation ng Kundiman at Harana.....ito pa rin ginagamit ko hanggang sa ngayon at wala na akong balak na bumili pa ng mga mamahalin na gamit. Nilitratuhan ko lang ang aking dalawang paboritong gitara na parehong made in Japan....Yusuke Kyo at Kiso Suzuki. Ginawa ko lang mapusyaw at luma ang kulay ng dalawang larawan para bumagay sa musika....na luma at laos, at maaring tuluyan nang maglaho at makalimutan sa paglipas ng panahon. Mga laman ng Volume 1 Aking Bituin Ang Langit Ko'y Ikaw Ang Tangi Kong Pag-Ibig Ay Kalisud Dapit-Hapon Habang-Buhay Hating-Gabi Hindi Kita Malimot Hirap Ng Umibig Huag Ilang-Ilang Kaylungkot Nitong Hatinggabi Kundiman de 1850 Nagkasala Ako Sa Iyo Ohoy Alibangbang Pahiwatig Pakiusap Sampaguita Sinayang Mo Tunay Na Tunay Walang Kamatayan Mga laman ng Volume 2 Aking Bituin Ako'y Iyong Iyo Alaala Kita Alang-Alang Sa Iyo Ang Pag-Ibig Ko'y Ingatan Mo Ang Tangi Kong Pag-Ibig Aping-Api Ay Kalisud Babalik Ka Rin Binibiro Lamang Kita Binigo Bituing Marikit Dahil Sa Iyo Dapit-Hapon Di Ko Magagawa Dinggin Hindi Kita Malimot Ibong Sawi Ikaw Ay Akin Kayhirap Pala Ng Iwanan Kaylungkot Nitong Hatinggabi Kundiman de 1850 Luha Sa Kalipay Lumang Simboryo Magtitiis Ako Maalaala Mo Kaya May Isang Bulaklak Nagmamahal Ako Nasaan Ka Inday Nasaan Ka Irog Pagtataksil O Pagmamahal Patnubay Prinsesa Ng Kumintang Sa Piling Mo Sampaguita Sana'y Maniwala Suliranin Wala Kang Habag Walang Kamatayan Walay Angay