بالمفضّل | كلمات وآداء ثامر المالكي | عرضة ونظم 🔥

هذه الشيلة بمناسبة زواج الشاب: أحمد بن عبدالله المفضّلي المالكي. كلمات وآداء: ثامر المالكي للتنسيق وطلب القصائد والشيلات التواصل على الرقم/ 0504200368 كلمات القصيدة: سبحتي فايدي والافكار مشغوله كنّي اقلّب فالافكار بايديّه والتقى المُبدع بالإبداع واصغوا له والتقى بالنظم عرضة جنوبيه لا تقل لي كيف ماهي بمعقوله لكن اسمعني ورد النظر ليه .... اسمع ابياتاً تشابه قراح الما كنّها سيلاً محدر مع غُنما تسقي اكباد الخلايق وترويها وان سقتهم عودت تروي اكبادي ----------------------- ابو ماجد شوّق القاف بفعوله واقبلت له كلّ فكره حماسيه هذا عبدالله بن احمد محد حوله في سماء القالات عرشه وكرسيه جود كفه كنه المزن وثعوله خلّ عنك العالم الاقتصاديه .... رحّب الليله وهلّا بضيفانه واعلن الترحيب عنه وعن اخوانه مرحبا في كلّ حزة يثنّيها والكرم والجود عادات الأجوادي ----------------------- جنبه حامد حيّ له فعله وقوله سيف ربعه كلّ ما ثارت الهيّة وان بدا صالح فالامجاد تسموا له الكريم اللي كفوفه نداويه وابو رايد جعله الجنه ادعوا له مات لكن ما بعد مات طاريّه .... وابو ماجد واقف وجنبه عياله ماجد وعطيه واحمد هل القاله ومحمد كل الامداح يحميها والبطل فارس كما نار وقادي ----------------------- واسرة ال غراب ما هي بمجهوله صيت وامجاد وبطولات مرويّه اسرة عـ الجود والطيب مجبوله واسمهم في قمّة المجد ماريه والفرح ذالليل له جوله وصوله واحمد احمد سمعته نارها حيّه .... مرحبا في حفلة احمد ملايينا مرحبا واهلا على الراس والعينا اجزل ابيات التراحيب نبديها عد ما ابرق بارق وحنّ رعّادي ----------------------- احمد اختار النسب واسرج خيوله واتّجه لاهل الفعول الحقيقيه بيت للشيخه مقدّر من الدوله سمعته من عصر حمدان محميّه وبعده عبدالعزيز اكمل الجوله حكمته صارت مناهج دراسيه .... ثم جاء فواز وانتم تعرفونه شيخ ميقاف وبني حرب من دونه حالفٍ بالله يمين وموفّيها ما يضيّع سلم الاباء والاجدادي ----------------------- وبني حرب اسمهم ماحد يطوله مرتقي بين النجوم السماويه وقبيلة بالمفضّل هل الطوله زادهم مسعود قدراً وجاهية شيخ لا من جات الاخبار منقوله ما يقال الا لا مثله ولا زيّه .... وانحن الملّك هل الفخر والهيبه مجدنا ما فيه شكّه ولا ربيه وفعايلنا القبايل تسمّيها واسمنا بين القبايل مهو عادي